રાહત / મોંઘુ થયા બાદ પણ સસ્તુ મળશે CNG અને PNG! બસ અપનાવી લો આ નાનકડી ટ્રીક 

• CNG અને PNG માં થયો ભાવ વધારો 
• વધેલા ભાવમાં મળશે રાહત 
• કેશબેક અને ડિસ્કાઉન્ટની મળશે સુવિધા

પેટ્રોલ ડીઝલના ભાવ તો પહેલાથી આકાશને આંબી ગયા હતા, હવે તો LPG સિલેન્ડરનો ભાવ પણ 25 રુપિયા વધી ગયો, ત્યારબાદ  CNG,PNG માં પણ ભાવવધારો કરાયો છે. મોંઘવારીના ચારેકોરથી પડી રહેલા મારથી છૂટકારો ક્યારે મળશે એ તો કહી શકાય તેમ નથી પણ CNG,PNGના વધી રહેલા ભાવથી રાહત જરુર મળી શકે છે.    

CNG અને PNGનો ભાવવધારો

IGLએ કહ્યું છે કે, દિલ્હી-એનસીઆરમાં CNGના ભાવમાં 70 પૈસા/કિલોગ્રામ વધારી દેવામાં આવ્યા છે. દિલ્હીમાં સીએનજીની કિમત હવે 43.40 રુપિયા પ્રતિ કિલોગ્રામ થઈ ગઈ છે. તો નોઈડા, ગ્રેટર નોઈડા અને ગાજિયાબાદમાં સીએનજી 49.08 રુપિયા પ્રતિ કિલોગ્રામ થઈ ગયા છે. 

આજથી લાગુ કરાશે PNGનો ભાવ

દિલ્હી-એનસીઆરમાં PNGના ભાવમાં  IGLએ 91 પૈસાનો વધારો કર્યો છે. દિલ્હીમાં PNGનો નવો ભાવ 28.41 રુપિયા/ scm થઈ ગઈ છે. CNG અને પાઈપના માધ્યમથી લોકોના ઘરોના રસોડા સુધી પહોંચવાવાળી ગેસ PNGની વધેલી કિંમત આજથી લાગુ કરી દેવામાં આવશે. 

દુ:ખાવો આપ્યો છે તો તેની દવા પણ આપી 

CNG,PNGના ભાવ વધ્યા હોવા છતાં પણ તમે તેમાં રાહત પામી શકો છો. તે માટે તમારે થોડી પ્રક્રિયા કરવી પડશે. આ રીત પણ ઈન્દ્રપ્રસ્થ ગેસ લિમિટેડે ખૂદ તેમના ગ્રાહકોને twitter પર કહી છે. એનો મતલબ એ થયો કે IGL એ જો દુ:ખાવો આપ્યો છે તો તેની દવા પણ આપી છે. 

CNG અને PNG સસ્તુ કેવી રીતે મળી શકશે ?

1. જે ઘરેલુ  PNG ગ્રાહકો વધેલી કિંમતથી જો રાહત મેળવવા ઈચ્છતા હોય તો તેમને IGL Connect મોબાઈલ એપનો ઉપયાગ કરવો પડશે. તેઓ જો આ એપના માધ્યમથી સેલ્ફ  બિલિંગ વિકલ્પ પસંદ કરે છે તો, તેમને 15 રુપિયાનું ઈન્સેન્ટિવ મળી શકે છે. 

2. જે લોકો CNGના વધેલા ભાવથી પરેશન છે તો IGL તેમના માટે પણ એક ઑફર લઈને આવ્યું છે. જો તમે CNG ભરાવવા માટે IGLના સ્ટેશન પર નૉન પીક ઑવર એટલે સવારે 11 વાગ્યાથી સાંજે 4 વાગ્યાની વચ્ચે અને રાત્રે 12 વાગ્યાથી સવારે 6 વાગ્યાની વચ્ચે જાઓ છો તો, તમને 50 પૈસા પ્રતિ કિલોનું કેશબેક મેળવવા માટે તમારે IGL Smart Cards થી પેમેન્ટ કરવાનું રહેશે. 

3.દિલ્હી- એનસીઆરમાં CNGની કિંમતો વધી જરુર છે પરંતુ ગુરુગ્રામમાં ભાવ વધ્યા નથી. કિંમત 53.40 રુપિયા પ્રતિ કિલો પર સ્થિર છે. એટલા માટે અહીંના લોકોને રાહત છે. જો કે દિલ્હીની સરખામણીમાં ગુરુગ્રામમાં CNG 10 રુપિયા પ્રતિ કિલો મોંઘી છે.

હવાઈ ઈંધણ પણ મોંઘુ થયું

વિમાન ઈંધણ (Aviation Turbine Fuel- ATF)ની કિંમતોમાં પણ સોમવારે 6.5 % નો ભાાવવધારો આવ્યો છે. આંતરરાષ્ટ્રીય બજારમાં કાચા તેલ (Crude Oil)ના ભાવ વધારાને આવુ કારણ બતાવવામાં આવી રહ્યું છે. તો સાર્વજનિક ક્ષેત્રની ફ્યુલ કંપનીઓ તરફથી જાહેર કરેલી નોટિફિકેશન પ્રમાણે એટીએફના ભાવ 3,663 રુપિયા પ્રતિ કિલોમીટર એટલે કે, 6.5% વધાર્યા છે.

મોટાભાગના આંકડાઓના આધારે ફેબ્રુઆરી મહિનાથી લઈને અત્યાર સુઘી Jet Fuelની કિંમતોમા આ ત્રીજીવાર ભાવવધાારો નોંધાયો છે. બદલાવ બાદમાં દિલ્હીમાં હવે વિમાન ઈંધણની કિંમત 59,400.91 રુપિયા પ્રતિ કિલોમીટરના સ્તર પર પહોંચી ગઈ છે. આ પહેલાં 16  ફેબ્રુઆરીએ વિમાન ઈંધણની કિંમત 3.6 % વધારી હતી. જો કે તે અગાઉ પણ  ફેબ્રુઆરીમાં  વિમાન ઈંધણની કિંમત 3,246.75 રુપિયા પ્રતિ કિલોમીટર વધારી હતી. સોમવારે ક્રુડ ઑઈલ વધારા સાથે 65.49 ડૉલર પ્રતિ બૈરલ થઈ ગઈ છે. આ એક વર્ષમાં તેનું સર્વોચ્ચ સ્તર રહ્યું છે.