ઉત્તરપ્રદેશ / તઘલખી નિર્ણયઃ યોગી સરકારે બનાવી નવી ફોર્સ, જાણો શું અપાઇ સત્તા

• યોગી સરકારે સ્પેશિયલ સિક્યુરિટી ફોર્સની કરી રચના
• SSFમાં ખાનગી લોકોને પણ અપાશે કોન્ટ્રાક્ટ
• કોઈ પણ વોરંટ વગર પુછપરછ કે ધરપકડ કરી શક્શે SSF

યોગી સરકારની આ સ્પેશિયલ સિક્યુરિટી ફોર્સને કારણે અનેક સવાલો ઉઠી રહ્યા છે. કારણ કે, SSFમાં ખાનગી લોકોને પણ કોન્ટ્રાક્ટ આપવાની જોગવાઈ કરવામાં આવી છે. અને આ ફોર્સને કોઈ પણ વોરંટ વગર પુછપરછ કે ધરપકડ કરવાની મંજૂરી આપવાની જોગવાઈ કરવામાં આવી છે. 

જેને લઈને નાગરિકોના માનવાધિકારનો ભંગ થવાની દહેશત છે. આ ઉપરાંત એવી પણ જોગવાઈ કરવામાં આવી છે કે, સરકારની મંજૂરી વગર કોર્ટ પણ SSFની પુછપરછ નહીં કરી શકે. એટલે કે, ખાનગી એજન્સીના માણસો રાજ્યમાં કોઈને પણ ધમકાવી શકશે અને સત્તાનો દુરુપયોગ કરીને કોઈની પણ વોરંટ વગર ધરપકડ કરી શકશે. 

SSF કોઈની પણ આરોપી તરીકે ધરપકડ કરીને સંપત્તિની પણ પુછપરછ કરી શકશે. જેને લઈને સરકાર વિરુદ્ધ અવાજ ઉઠાવનારાઓ સામે SSFનો દુરુપયોગ થવાની દહેશત વર્તાઈ રહી છે.