ઉત્તર પ્રદેશ / રામભક્તો માટે ખુશીના સમાચાર, અયોધ્યોમાં બની 'કોદંડ શ્રી રામની મૂર્તિ'

ઉલ્લેખનીય છે કે, આ રામ પ્રતિમાની ખાસિયત એ છે કે, તેને ટીક વૂડથી બનાવવામાં આવી છે. રાજ્ય સરકાર દ્વારા આપવામાં આવેલ જાણકારી અનુસાર ભગવાન શ્રી રામની આ મૂર્તિ લાકડાના એક પીસમાંથી તૈયાર કરવામાં આવી છે. 

Chief Minister Yogi Adityanath unveils a statue of Lord Ram at Ayodhya Shodh Sansthan pic.twitter.com/RWKBhDafpJ

— ANI UP (@ANINewsUP) June 7, 2019

દક્ષિણ ભારતમાં ભગવાન રામના કોદંડ સ્વરૂપની પૂજા કરવામાં આવી છે. શ્રી રામની આ મૂર્તિ પણ ધનૂષ ધારણ કરેલ નજરે આવે છે. ભગવાન રામના ધનૂષને કોદંડના નામથી ઓળખવામાં આવે છે. માન્યતા મુજબ જ્યારે શ્રી રામ માતા સીતાની શોધમાં દક્ષિણ ભારત પહોંચ્યા હતા ત્યારે વનવાસી રૂપે તેમના હાથમાં ધનુષ કોદંડ છે. 

ભગવાન શ્રી રામની આ મૂર્તિને કળાના એક બેજોડ નમૂના તરીકે જોવામાં આવે છે. આ મૂર્તિની ઊંચાઇ આશરે 7 ફુટ છે જે 35 લાખ રૂપિયામાં અયોધ્યાના મ્યૂઝિયમ માટે ખરીદવામાં આવેલ છે.