નવી દિલ્હી / યોગી મંત્રીમંડળ પર ફાઇનલ મહોરની તૈયારી, મોડી રાત્રે જે.પી. નડ્ડાના ઘરે 'મહામંથન', યોગી આદિત્યનાથ ઉપસ્થિત

• ઉત્તરપ્રદેશ સરકારની રચવાની કવાયત શરૂ
• જેપી નડ્ડાના ઘરે મોટી બેઠક મળી
• યોગી આદિત્યનાથ બેઠકમાં સામેલ

બેઠકમાં સામેલ થવા માટે ઉત્તરપ્રદેશના કાર્યવાહક મુખ્યમંત્રી યોગી આદિત્યનાથ બુધવાર સાંજે દિલ્હી સ્થિત ઉત્તરપ્રદેશ સદન પહોંચ્યા. અહીંથી તેઓ જેપી નડ્ડાના ઘરે જવા નિકળ્યા. જણાવવામાં આવી રહ્યું છે કે, યોગી કેબિનેટની યાદી તૈયાર કરવામાં આવશે. મંત્રિમંડળમાં કોણ સામેલ થશે અને કોણ નહીં તેના પર ચર્ચા કરવામાં આવશે.

આ પહેલા આ બેઠક કેન્દ્રીય ગૃહમંત્રી અમિત શાહના ઘરે થવાની હતી. બેઠકમાં અમિત શાહ સિવાય ભાજપના રાષ્ટ્રીય અધ્યક્ષ જેપી નડ્ડા, કેન્દ્રીય મંત્રી ધર્મેન્દ્ર પ્રધાન, બીએલ સંતોષ, યોગી આદિત્યનાથ અને સુનીલ બંસલ સામેલ છે.

ત્યારે, ગુરૂવાર સાંજે અંદાજિત 4 વાગ્યે લખનૌના લોકભવનમાં ભાજપ મંત્રીમંડળ દળની બેઠક થશે. બેઠકમાં યોગી આદિત્યનાથને મંત્રીમંડળ દળના નેતા બનાવાશે. આ બેઠકમાં કેન્દ્રીય ગૃહમંત્રી અમિત શાહ પણ હાજર રહેશે. આ સિવાય ઉત્તરપ્રદેશના સહ પર્યવેક્ષક ઝારખંડના પૂર્વ મુખ્યમંત્રી રઘુબર દાસ પણ ગુરૂવાર બપોરે 12 વાગ્યે લખનૌ પહોંચશે.

25 માર્ચે મુખ્યમંત્રી પદના શપથ લેશે યોગી આદિત્યનાથ

યોગી આદિત્યનાથ રાજ્યના મુખ્યમંત્રી તરીકે બીજી વખત શપથ લેશે. યોગી આદિત્યનાથના શપથગ્રહણ સમારોહને ભવ્ય બનાવવા માટે સમગ્ર તૈયારીઓ કરી લેવામાં આવી છે. શપથ ગ્રહણ સમારોહ 25 માર્ચે લખનૌના ભારત રત્ન અટલ બિહારી વાજપેયી ઇકાના ઇન્ટરનેશનલ ક્રિકેટ સ્ટેડિયમમાં થશે.