બાબાની લોકપ્રિયતા / સોશિયલ મીડિયા પર રાહુલ ગાંધી કરતા આગળ નિકળ્યા યોગી આદિત્યનાથ, ટ્વિટર પર વધ્યા ફોલોઅર્સ

• સોશિયલ મીડિયા પર રાહુલ ગાંધીથી આગળ નિકળ્યા યોગી
• ટ્વિટર પર રાહુલ ગાંધી કરતા વધારે ફોલોઅર્સ થયા યોગીના
• પ્રિયંકા ગાંધી અને અખિલેશ યાદવ ઘણા દૂર રહ્યા

ચૂંટણીની રણભૂમિ હોય કે, સોશિયલ મીડિયા પ્લેટફોર્મ, યોગી આદિત્યનાથની સ્પિડ આગળ વિપક્ષના નેતાઓ પણ વામણા થઈ રહ્યા છે. યોગીએ ટ્વિટર પર આ વખતે લોકપ્રિયતામાં રાહુલ ગાંધીને પણ પાછળ રાખી દીધા છે. હાલમાં ટ્વિટ પર યોગી આદિત્યનાથને 21.5 મિલિયન ફોલોઅર્સ છે, જ્યારે રાહુલ ગાંધીને 21.4 મિલિયન, પ્રિયંકા ગાંધીને 5 મિલિયન ફોલોઅર્સ થઈ ચુક્યા છે. યોગીએ ટ્વિટર પર ફક્ત 50 તો રાહુલ ગાંધી 275, પ્રિયંકા ગાંધીએ 362 લોકોને ફોલો કરે છે. 2015માં એપ્રિલ અને સીએમ યોગી આદિત્યનાથે સપ્ટેમ્બરમાં અકાઉન્ટ બનાવ્યું હતું. જ્યારે પ્રિયંકા ગાંધીએ ફેબ્રુઆરી 2019માં ટ્વિટર પર પોતાનુ ંઅકાઉન્ટ બનાવ્યું હતું.

તો વળી સપા અધ્યક્ષ અખિલેશ યાદવને 17.2 મિલિયન અને માયાવતીને 2.8 મિલિયન ફોલોઅર્સ છે. અખિલેશ યાદવ 23, માયાવતી 1 ફોલો કરે છે. માયાવતીએ 2018માં ટ્વિટર પર અકાઉન્ટ બનાવ્યું હતું, જ્યારે અખિલેશ યાદવે 2009માં અને સોશિયલ મીડિયા પ્લેટફોર્મ પર એક્ટિવ થયા હતા. 

અમેઠીથી સાંસદ સ્મૃતિ ઈરાની પણ ફોલોઅર્સના મામલે સીએમ યોગીથી પાછળ રહી ગયા છે. તેમના ટ્વિટર પર 12.7 મિલિયન ફોલોઅર્સ છે. જ્યારે કેન્દ્રીય રોડ પરિવહન અને રાજ્યમંત્રી નીતિન ગડકરીને ટ્વિટર પર 11.3 મિલિયન ફોલોઅર્સ છે. આ ઉપરાંત ઉપમુખ્યમંત્રી કેશવ પ્રસાદ મૌર્યને 4.1 મિલિયન, બ્રજેશ પાઠકને 6 લાખ 49 હજાર, સ્વતંત્ર દેવ સિંહને 1.4 મિલિયન ફોલોઅર્સ છે.