મહામંથન / VTVમાં સીએમ રૂપાણીએ કહ્યું- એન્ટી કરપ્શન બ્યુરો CBIની જેમ કામ કરે છે, ભ્રષ્ટાચારીઓની ખેર નથી

• CM રૂપાણીએ કહ્યું કે ભ્રષ્ટાચારીઓની 7 પેઢી યાદ રાખે તેવી વ્યવસ્થા ગોઠવી છે
• ભ્રષ્ટાચાર બંધ કરી સેવાઓનું સરળીકરણ કરવામાં આવ્યું

વીટીવીના એડિટર ઇસુદાન ગઢવી અને હેમંત ગોલાણી સાથે મુખ્યમંત્રી વિજય રૂપાણીએ મહામંથનમાં ભ્રષ્ટાચાર અંગે ચર્ચા કરી હતી. જેમાં તેમણે ભ્રષ્ટાચાર અટકાવવા માટેના રાજ્ય સરકારના પ્રયાસો અંગે જણાવ્યું હતું.

કાયદા અને ટેક્નોલોજીથી ભ્રષ્ટાચાર રોકવાનો પ્રયાસઃ સીએમ રૂપાણી

ગુજરાતને ભ્રષ્ટાચાર મુક્ત બનાવ અંગેના સવાલ પર મુખ્યમંત્રી વિજય રૂપાણીએ કહ્યું કે ભ્રષ્ટાચારને દૂર કરવો અનિવાર્ય છે. ભ્રષ્ટાચાર રોકવા માટે બે રીતે પ્રયાસ કરાય છે. એક કાયદા કાનૂન બદલવા.(દા.ત.પેટ્રોલ પંપને દર વર્ષે રિવ્યુ કરવા જવું નહીં, હોટલના લાઇસન્સ પોલીસ પાસેથી લેવા નહીં.) સરકારે સરળીકરણ ઉભૂ કર્યું છે.

બીજી રીતે ટેક્નોલોજીનો ઉપયોગ કરીને ભ્રષ્ટાચાર રોકવાના પ્રયાસો કરવામાં આવી રહ્યા છે. ઓનલાઇન સેવાનો ઉપયોગ કરીને ભ્રષ્ટાચાર રોકી શકાય છે. આ પહેલા પૈસા લેવાતા હતા જે બધા જાણે છે. પરંતુ હવે ભ્રષ્ટાચારમાં બ્રેક લાગી છે.

એસીબીને ફ્રિ હેન્ડ આપવામાં આવ્યો છે. એન્ટિ કરપ્શન બ્યુરો (ACB) સીબીઆઇની જેમ કામ કરે છે. ભ્રષ્ટાચારી ઝડપાયો તો જીવનમાં તેની સાત પેઢી પણ આ કામ નહીં કરે. આ રીતે આપણે કામ કર્યું છે અને ઇમાનદારીથી કામ થઇ રહ્યું છે.

કોઇ ફાઇલ મોડી પડે તો CM કાર્યાલય દ્વારા નિકાલ માટે આપવામાં આવે છે સૂચના

રાજ્ય સરકારના 26 વિભાગો કાર્યરત છે. વિભાગોના અનેક પેટા વિભાગો જેની નીચે ચાલતી અસંખ્ય યોજનાઓ અને નિર્ણયો અંગેની જાણકારી છેવાડાના માનવી સુધી પહોંચે નહીં, લક્ષ્યાંક સિદ્ધ થયાં કે નહીં એટલા માટે CM ડેશબોર્ડ એટલે કે આખી સિસ્ટમ સ્ક્રીન પર ચાલી રહી છે. આ ડેશબોર્ડમાં 32 જેટલા ઇન્ડિકેટર લગાડવામાં આવ્યા છે. જેમાં સરકારના તમામ વિભાગોને ઓનલાઇન જોડાવાની સૂચના છે. એટલે કે કલેક્ટર ઓફિસમાં કેટલીય ફાઇલ જેવી કે, ઇધારાની એન્ટ્રીઓ, જમીનની ફાઇલ, રેશનકાર્ડને લગતી, વારસાઇ માટેની વાત હોય તેના માટે પ્રજાને ધક્કા ખાવા પડતા હતા. તેને બદલે હવે કેટલી અરજી આવી? અરજીઓનો સમયસર નિકાલ થયો કે નહીં ? જો 30 દિવસ સુધીમાં ફાઇલનો નિકાલ ન થાય તો CM કાર્યાલયમાંથી સૂચના આપવામાં આવે કે આ ફાઇલનો કેમ નિકાલ થયો નથી તેનો તાત્કાલિક અસરથી નિકાલ કરો. આ તમામ સુવિધાઓ CM ડેશ બોર્ડ પર ઉભી કરવામાં આવી છે.

 

 

 

 

View this post on Instagram

 

 

 

 

 

 

 

 

 

આજે નવરાત્રિના પહેલાં નોરતે ગુજરાતના મુખ્યમંત્રી શ્રી Vijay Rupani એ ગુજરાતની લોકપ્રિય ચૅનલ VTV NEWSના નવા અત્યાધુનિક સ્ટુડિયોનું ઉદ્ઘાટન કર્યું હતું. આ પ્રસંગે સમભાવ ગ્રુપના CMD કિરણ વડોદરિયા, ડિરેક્ટર જગદીશ પાવરા, COO નીરજ અત્રી અને VTV ન્યૂઝ ઍડિટર ઈસુદાન ગઢવી હાજર રહ્યાં હતાં. આ સાથે સમભાવ ગ્રુપના TOP FMની ઑફિસની મુલાકાત લઈ TOP FM રૅડિયોના 8 સ્ટેશનથી 1.5 કરોડ શ્રોતાઓને નવરાત્રિની શુભેચ્છા પાઠવી હતી. #vijayrupani #vtvnews #vtvgujarati #vtvnewstudio #gujaratinews @bjp4gujarat @cmogujarat @isudan_gadhvi @hemantgo

A post shared by VTV Gujarati News and Beyond (@vtv_gujarati_news) on Sep 29, 2019 at 10:10am PDT

કેન્દ્રના ટ્રાફિકના કાયદામાં ગુજરાત સરકારે શા માટે ફેરફાર કર્યો?

જેમાં મુખ્યમંત્રી વિજય રૂપાણી નવા મોટર વ્હિકલ એક્ટ અંગેના એક સવાલનો જવાબ આપતા કહ્યું કે, અમે ભારત સરકારના નવા મોટર વ્હિકલ એક્ટમાં કોઇ ફેરફાર નથી કર્યો. કેન્દ્ર સરકારે જે કમ્પાઉન્ડીંગની સત્તા અમને આપી છે તેમાં ફેરફાર કર્યો છે. પરંતુ અમે પણ ગંભીર ગુનાઓ જેવા કે ડેન્જર્સ ડ્રાઇવિંગ, દારૂ પી'ને વાહન ચલાવવું, વગર લાઇસન્સે વાહન ચલાવવું જેવા ગુનાઓમાં કોઇ જ ફેરફાર નથી કર્યો. વધુમાં તેમણે કહ્યું કે, ગુજરાત સરકાર દ્વારા માત્ર હેલ્મેટ, ત્રિપલ સવારી ડ્રાઇવિંગ અને પીયૂસીમાં જ ફેરફાર કરવામાં આવ્યા છે. બાકીનું બધું જે છે તે છે.