CM રૂપાણીએ તૌકતે વાવાઝોડામાં અસગ્રસ્ત વિસ્તારની મુલાકાત લીધી હતી, CM રૂપાણીએ કહ્યું, એક સપ્તાહમાં લાઈટ, પાણી સહિતની સુવિધાઓ પૂર્વવત થશે
ઉનામાં આવવા જવાના રસ્તાઓ ખુલ્લા થઇ ગયા છે
એક સપ્તાહમાં લાઈટ, પાણી સહિતની સુવિધાઓ પૂર્વવત થશે
9 હજાર ગામોમાં વીજ પુરવઠો ખોરવાયો હતો
તૌકતે વાવાઝોડાથી ભારે નુકસાન થયું છે. ત્યારે CM રૂપાણીએ વાવાઝોડા અસગ્રસ્ત વિસ્તારની મુલાકાત લીધી હતી. અસરગ્રસ્ત વિસ્તારની મુલાકાત બાદ CM રૂપાણીએ કહ્યું કે ઉનામાં આવવા જવાના રસ્તા ખુલ્લા થઇ ગયા છે. એક સપ્તાહમાં લાઈટ, પાણી સહિતની સુવિધાઓ પૂર્વવત થશે. 9 હજાર ગામોમાં વીજ પુરવઠો ખોરવાયો હતો. મોટાભાગના ગામે વીજ પુરવઠો પૂર્વરત સાંજ સુધીમાં થશે.
શનિવાર સુધીમાં વીજ પૂરવઠો શરૂ થઈ જશેઃ CM રૂપાણી
માત્ર 1500 જેટલા ગામો જ બાકી રહેશે. શનિવાર સુધીમાં સમગ્ર ગુજરાતમાં વીજ પુરવઠો પૂર્વરત થશે. 15 હજાર જેટલા કર્મચારીઓ યુદ્ધના ધોરણે કામે લાગી ગયા છે. આ સાથે જ CM વિજય રૂપાણીએ કહ્યું કે, ઊનાના ગામોમાં કાચા મકાનો ધરાશાયી થયા છે. અને ખેતીવાડીને પણ નુકસાન થયું છે. આજથી નુકસાનીના સર્વેનું કામ ચાલુ થયું છે. તેમજ વધુમાં કહ્યું કે ઉના શહેર અને આસપાસના વિસ્તારમાં ઝડપી સફાઇ થશે. સફાઇ કામગીરી માટે મનપામાંથી ટીમો આવશે. રાજકોટ, જૂનાગઢ કોર્પોરેશનમાંથી સફાઇકર્મી આવશે.
ગુજરાતમાં આંશિક લોકડાઉન અંગે કરી જાહેરાત
ગુજરાતમાં લોકડાઉનને લઈ સરકારે મોટો નિર્ણય કર્યો છે. આવતીકાલથી આંશિક લોકડાઉનનો અમલ શરૂ કરવામાં આવશે. સાથે લારી-ગલ્લા અને દુકાનદારો માટે રાહતના સમાચાર પણ આવ્યા છે. આવતીકાલથી લાગેલા આંશિક લોકડાઉનમાં સવારે 9થી બપોરના 3 વાગ્યા સુધી લારી-ગલ્લા અને દુકાનો ખુલ્લી રાખવાની છૂટ આપી છે. આ આંશિક લોકડાઉન 27 મે સુધી લગાવવામાં આવ્યું છે. જે બાદ નવા નિયમ પરિસ્થિતિ અનુસાર જાહેર કરાશે.પીપાવાવ ખાતે આ અંગેની જાહેરાત કરાઈ હતી. જો કે, 36 શહેરોમાં રાત્રી કર્ફ્યૂ યથાવત્ રહેશે.
ગુજરાત સરકારે કરેલી જાહેરાતમાં નવો ફેરફાર તમામ પ્રકારના ધંધાદારો અને વેપારીઓને લઈ કરાયો છે. જેમાં અત્યાર સુધી માત્ર કરિયાણા અને ડેરી અને ખાણીપીણીનો વેપાર ખુલ્લો રાખવાની છૂટ હતી. જો કે, હોટલમાં બેસીને જમી શકાશે નહીં. પાર્સલ સુવિધા ચાલુ રહેશે. નવી ગાઈડલાઈનમાં છૂટછાટની સાથે સમય પણ જાહેર કરાયો છે. જે વેપાર ધંધાને છૂટ આપવામાં આવી તે સવારના 9થી 3 વાગ્યા સુધી ખુલ્લુ રાખી શકશે. જો કે, ટ્યુશન ક્લાસિસ અને શાળાઓ વિશે કોઈ છૂટછાટ સામે આવી નથી.
નવી યાદીમાં આ વેપાર શરૂ રહેશે
પાનના ગલ્લા
ચાની કિટલી
હેર સલૂન
હાર્ડવેરની દુકાનો
ઇલેક્ટ્રોનિક્સ અને ઇલેક્ટ્રિકલ્સની દુકાનો
રેડીમેડ કપડાની દુકાનો
વાસણની દુકાનો
મોબાઇલની દુકાનો
હોલસેલ માર્કેટ
પંચરની દુકાન
ગેરેજ
આ વેપાર બંધ રહેશે
શૈક્ષણિક સંસ્થા
ટ્યુશન ક્લાસિસ
થિયેટરો
ઓડીટોરીયમ
અસેમ્બલી હોલ
વોટર પાર્ક
જાહેર બાગ-બગીચા
મનોરંજક સ્થળો
સલૂન
સ્પા
બ્યુટી પાર્લર
જીમ
સ્વિમિંગ પુલ
આ સાથે સમગ્ર પ્રકારના મોલ્સ અને કમર્શિયલ કોમ્પ્લેક્સિસ રહેશે બંધ