મુખ્યમંત્રી વિજય રૂપાણી આજે ધોલેરાના SIRની મુલાકાતે છે. આ દરમિયાન તેઓ કોમન એફલ્યુઅન્ટ ટ્રીટમેન્ટ પ્લાન્ટ પ્રોજેક્ટનો શિલાન્યાસ કરશે. પીપળી-ધોલેરા વચ્ચે જળપરિહન પાઈપ લાઈનના પ્રોજેક્ટનો પણ CM રૂપાણી શિલાન્યાસ કરશે. આ ઉપરાંત સીએમ રૂપાણી 5 હજાર મેગા વોટના સૌર ઉર્જા પાર્કની પણ જાહેરાત કરશે અને કૌશલ્ય વિકાસ યોજનાની પણ જાહેરાત થશે.
નોંધનીય છે કે ધોલેરા સરના વિકાસને લઇને કેન્દ્ર સરકારે થોડા સમય અગાઉ 3 હજારકરોડ રૂપિયા માત્ર ઇન્ફ્રાસ્ટ્રકચરના વિકાસ માટે ફાળવ્યા હતા. રાજ્ય સરકારે વાયબ્રન્ટ ગુજરાત ઇન્વેસ્ટર્સ સમિટ 2019 પૂર્વે ધોલેરા સ્પેશ્ય ઇન્વેસ્ટેટમેન્ટ રિજન (સર)માં અંદાજે 25 હજાર રોડના સૂચિત રોકાણથી 11 હજાર હેકટરમાં વિશ્વના સૌથી મોટા 5000 મેગાવોટ વીજળી ઉત્પન્ન કરી શકે તેવા સોલાર પ્રોજેક્ટને સૈદ્ધાંતિક મંજૂરી આપી હતી.
આ પ્લાન્ટની ક્ષમતા 20 MLD છે. ઔદ્યોગિત વિસ્તારના અશુદ્ધ પાણીને શુદ્ધ કરી શકાશે. માસ્ટર બેલેન્સીંગ રિઝર્વોઈઝ અને 14 આંતરિક પમ્પીંગ સ્ટેશન તેમજ રિવોટર લઈ જતી 13.5 કિમીની પાઈપ લાઈનનો પણ સમાવેશ કરવામાં આવ્યો છે. શુદ્ધ પાણીના પરિવહન માટે 9.5 કિમીની પાઈપલાઈન પણ નાંખવામાં આવી છે. આ સોલર પાર્ક 11 હજાર હેક્ટરમાં વિશ્વનો સૌથી મોટો સોલર પાર્ક બનશે. હાલમાં 2 હજાર મેગા વોટનો સૌથી મોટો સોલર પાર્ક કર્ણાટકમાં છે.