અમદાવાદની સાબરમતી નદીને લઈ રાજનીતિ શરૂ થઈ છે. મુખ્યમંત્રી વિજય રૂપાણીએ દિલ્હી વિધાનસભા ચૂંટણીના પ્રચારમાં નિવેદન આપ્યું છે કે સાબરમતી એશિયાની સૌથી શુદ્ધ નદી છે. જે અંગે કોંગ્રેસ પ્રદેશ અધ્યક્ષ અમિત ચાવડાએ પણ સાબરમતી નદીના કેમિકલવાળા પાણીનો વીડિયો ટ્વીટ કરી કટાક્ષ કર્યો હતો.
સાબરમતીમાં પ્રદૂષણનો વીડિયો પોસ્ટ કરી કર્યો કટાક્ષ
વીડિયો પોસ્ટ કરી CM રૂપાણીને કર્યો સવાલ
સાબરમતીમાં કેમિકલ છોડાય છે તો સ્વચ્છ કેવી રીતે?
મુખ્યમંત્રી વિજય રૂપાણીના દાવા પર પ્રદેશ કોંગ્રેસે કટાક્ષ કર્યો હતો. કોંગ્રેસના પ્રદેશ પ્રમુખ અમિત ચાવડાએ એક વીડિયો પોસ્ટ કરી કટાક્ષ કર્યો છે. સાબરમતી નદીમાં ખદબદતા પ્રદૂષણનો વીડિયો પોસ્ટ કરી સીએમ રૂપાણીને અમિત ચાવડાએ સવાલ કર્યો છે. તેમણે કહ્યું હતું કે સાબરમતી નદીમાં મોટી માત્રામાં કેમિકલ છોડાય છે. નદીમાં ગંદૂ પાણી ખદબદી રહ્યું છે તો નદી કેવી રીતે સ્વચ્છ કહેવાય?
મહત્વનું છે કે મુખ્યમંત્રી વિજય રૂપાણીએ સાબરમતી નદીને લઇ એક નિવેદન આપ્યું હતું. જેમા તેમણે દાવો કર્યો હતો કે સાબરમતી નદી એશિયાની સૌથી સ્વચ્છ નદીઓમાંની એક નદી છે.
બીજી તરફ સાબરમતી અંગેની આ રાજનીતિ વચ્ચે VTV દ્વારા ટીમ નદી સુધી પહોંચી હતી. જ્યાં મુખ્યમંત્રીના સૌથી શુદ્ધ નદી અંગેના નિવેદન બાદ પણ કેમિકલયુક્ત પાણી હજી સુધી પણ વહી રહ્યું છે.