માંદા પડેલાં અર્થતંત્રને બુસ્ટ કરવાં રૂપાણી સરકારે અનેક નિર્ણયો લીધા છે. CM રૂપાણીએ ગાંધીનગરના ભાજપ મુખ્યાલય કમલમ ખાતે આજે એક પ્રેસ કોન્ફરન્સને સંબોધી છે. જેમાં PM મોદી અને કેન્દ્રીય નાણામંત્રી નિર્મલા સિતારમણે કરેલી અનેક જાહેરાતોની ચર્ચા કરી હતી. અને ગુજરાતના અર્થતંત્રને સબળ કરવાની વાત કરી છે.
વિશ્વમાં સૌથી ઓછો કોર્પોરેટ ટેક્ષ ભારતમાં
ગુજરાતમાં વધુ રોકાણ આવે તેવા પ્રયાસો
રોકાણકારો માટે બેસ્ટ ડેસ્ટિનેશન બનાવવા પ્રયાસ
ગાંધીનગરના કમલમ ખાતે મુખ્યમંત્રી વિજય રૂપાણીએ પત્રકાર પરિષદને સંબોધન કરતાં કહ્યું કે મોદી સરકારે હિંમતભેર નિર્ણયો કર્યાં છે. જ્યારે બીજી તરફ દેશભરમાં ચોમાસુ સારુ રહ્યું છે. સરકાર સાચી દિશામાં પગલાઓ ભરી રહી છે.
ઇકોનોમીને લઇને સીએમ રૂપાણીએ કહ્યું
મુખ્યમંત્રી રૂપાણીએ હાલમાં નાણામંત્રી નિર્મલા સીતારણમ દ્વારા કોર્પોરેટ ટેક્સમાં આપવામાં આવેલી રાહતને લઇને કહ્યું કે ઇકોનોમી માટે સરકારે નિર્ણયો લીધા છે. વિશ્વમાં સૌથી ઓછો કોર્પોરેટ ટેક્સ ભારતમાં છે.
રોકાણ વધારવા પીએમ વિદેશના નેતાને મળ્યાં
હાલમાં પીએમ મોદી અમેરિકાના પ્રવાસે છે. ત્યારે તેમની આ મુલાકાતને લઇને સીએમ રૂપાણીએ કહ્યું કે પીએમ મોદી દેશમાં રોકાણ વધે તે માટે વિદેશના નેતાઓ સાથે મળે છે. સરકાર સાચી દિશામાં પગલાો ભરી રહી છે.
સીએમએ કોર્પોરેટ ટેકની રાહતને શેરબજારે વધાવતાં કહ્યું
નાણામંત્રીની જાહેરાત બાદ શેરબજારમાં ભારે ઉછાળો જોવા મળ્યો હતો. જે છેલ્લા ત્રણ દિવસમાં અંદાજે 3 હજાર પોઇન્ટ જેટલો વધેલો જોવા મળ્યો. જેને લઇને સીએમ રૂપાણીએ કહ્યું કે શેરબજારમાં 3 હજાર પોઇન્ટથી વધુનું માર્કેટમાં રિએકશન આવ્યું. રેપોરેટ ઘટાડી વ્યાજદર ઘટાવનો સરકારે પ્રયાસ કર્યો.
સીએમ રૂપાણીએ પત્રકાર પરિષદમાં સરકારની કામગીરી જણાવી
GST પેન્ડિંગ ચૂકવણી 30 દિવસમાં પૂર્ણ કરાઇ. જ્યારે PMS કિસાન યોજનામાં લીમીટ હટાવી દેવામાં આવી. રોકાણકારો માટે બેસ્ટ ડેસ્ટિનેશન બનાવવા પ્રયાસ કરાયો. હાઉસિંગમાં 45 લાખ સુધીની લોન પર 1.5 લાખના વ્યાજની છૂટ અપાઇ. 60 વર્ષથી ઉપરના ખેડૂતો માટે પેન્શન યોજના શરૂ કરવામાં આવી. ભારતની 5 ટ્રિલિયન ડોલરની ઇકોનોમી થવા જઇ રહી છે તેમ સીએમ રૂપાણીએ જણાવ્યું. સરકાર રોજગાર મેળાઓ યોજી રહી છે. ગુજરાતમાં રોજગારીને વધુ મહત્વ આપવામાં આવી રહ્યું છે. જ્યારે બાંધકામ ક્ષેત્રે નવા નિર્ણયો લેવામાં આવી રહ્યાં છે.