ચૂંટણી સભા / વડોદરામાં સભામાં સ્પીચ દરમિયાન CM રૂપાણી ઢળી પડ્યા હતા, હવે તબિયત સારી, અમદાવાદ થશે તપાસ

• વડોદરામાં ચાલુ સભામાં CM ઢળી પડ્યા
• ચક્કર આવતા CM રૂપાણી સ્ટેજ પર ઢળી પડ્યા
• CM રૂપાણીને સારવાર આપવાનું શરૂ કરાયું

રાજ્યમાં સ્થાનિક સ્વરાજ્યની ચૂંટણીનો માહોલ છે. ત્યારે મુખ્યમંત્રી રૂપાણીએ આજે વડોદરામાં મોરચો સંભાળ્યો હતો. વડોદરામાં કોંગ્રેસનો ગઢ ગણાતા તરસાલી, કારેલીબાગ અને નિઝામપુરામાં CM રૂપાણી સભા માટે પહોંચ્યા હતા. જોકે વડોદરામાં ત્રીજી સભામાં સ્પીચ દરમિયાન ચક્કર આવતા મુખ્યમંત્રી વિજય રૂપાણી ઢળી પડ્યા હતા. મુખ્યમંત્રી વિજય રૂપાણીને તાત્કાલિક પ્રાથમિક સારવાર અપાઇ છે. મુખ્યમંત્રી વિજય રૂપાણીને ગ્લુકોઝ પાણી અપાયું છે. જોકે મળતી માહિતી અનુસાર, મુખ્યમંત્રીની તબિયત સારી છે. કાલના તેમના તમામ કાર્યક્રમ રદ્દ કરી દેવામાં આવ્યા છે. તેમની તબિયત સારી નહોતી છતા તેઓ કાર્યક્રમમાં પહોંચ્યા હતા.

મુખ્યમંત્રી વિજય રૂપાણીની અમદાવાદ UN મહેતા હોસ્પિટલમાં થશે તપાસ

વડોદરામાં સભામાં તબિયત લથડ્યા બાદ થોડીવારમાં સ્વસ્થ થયા હતા. ત્યારબાદ તેમની ગાડીમાં રવાના થયા હતા. જોકે વડોદરા એરપોર્ટ પર મુખ્યમંત્રી વિજય રૂપાણી અમદાવાદ આવવા રવાના થયા છે. અમદાવાદની UN મહેતા હોસ્પિટલમાં મુખ્યમંત્રીની તપાસ થશે. સિવિલના ડૉક્ટર્સ તપાસ કરશે.

ચૂંટણી નજીક આવતા સતત સભાઓ કરી રહ્યા છે મુખ્યમંત્રી

હાલ રાજ્યમાં ચૂંટણીનો માહોલ જામ્યો છે. નેતાઓ દિવસ રાત સભાઓ ગજવી રહ્યા છે. ત્યારે મુખ્યમંત્રી વિજય રૂપાણી પણ છેલ્લા કેટલાક દિવસોથી સતત સભાઓ અને કાર્યક્રમોમાં હાજરી આપી રહ્યા છે. ત્યારે આજે વડોદરામાં મુખ્યમંત્રીની 3 સભા હતી. જોકે ત્રીજી સભા દરમિયાન  મુખ્યમંત્રીને ચક્કર આવ્યા હતા. મુખ્યમંત્રીએ વડોદરામાં આ અગાઉ 2 સભા સંબોધી હતી. જામનગર અને ભાવનગરમાં 2-2 સભાઓ ગજવી હતી. સતત વ્યસ્ત કાર્યક્રમને લઇને ચક્કર આવ્યા હતા.