હવે ગુજરાતમાં પણ દુબઈ અને સિંગાપોરની જેમ 50થી 60 માળની બિલ્ડીંગ બનશે. CM રૂપાણીએ કહ્યું અમે વિચારી રહ્યા છીએ કે ગુજરાતના મહાનગરોમાં આઇકોનિક મકાનો બનાવવાની મંજુરી મળશે. રૂપાણીએ વધુમાં કહ્યું કે સરકાર 50-60 માળની બિલ્ડીંગો બનાવવાની વિચારણા કરી રહી છે.
હવે ગુજરાત પણ ગગન ચૂંબશે
દુબઇ-સિંગાપોર જેવી 50-60 માળની સ્કાયલાઇન બિલ્ડીંગ બનશે
ગુજરાતના મુખ્યમંત્રી વિજય રૂપાણીએ કર્યું એલાન
દેશ અને દુનિયામાં આકાશને આંબતી બિલ્ડિંગો આકાર લઇ રહી છે. કેટલાંય દેશો સૌથી ઊંચી બિલ્ડિંગ બનાવાની હોડમાં લાગી ગઇ છે. દેશના મુંબઇ જેવા શહેરમાં 60-65 માળની રહેણાંક બિલ્ડિંગોને મંજૂરી મળી ગઇ છે અને આકાર પણ લેવા માંડી છે. બીજી તરફ ગુજરાતમાં છેક હવે ઊંચી બિલ્ડિંગો બાંધવા માટેની મંજૂરી મળવાની શક્યતાઓ દેખાય રહી છે.
મુખ્યમંત્રી વિજય રૂપાણીએ મોટું નિવેદન આપ્યું હતું. જેમાં તેમણે કહ્યું હતું કે, 50-60 માળની બિલ્ડીંગો બનાવવાની વિચારણા કરવામાં આવી રહી છે. મહાનગરોમાં આઇકોનિક મકાનો બનાવવા મંજૂરી મળશે. દુબઇ-સિંગાપોર જેવી સ્કાયલાઇન બિલ્ડીંગ બનાવવાની વિચારણા કરવામાં આવી રહી છે.
અમદાવાદના ઘુમા વિસ્તારમાં સભા દરમિયાન આ નિવેદન આપ્યું હતું. ગુજરાતના મહાનગરોમાં આઇકોનિક મકાનો બનાવવાને મંજૂરી આપવામાં આવશે. તેથી હવે સ્કાયલાઇન બિલ્ડીંગ બનાવવામાં આવશે.