નિર્ણય / પતંગરસિયાઓ જો ઉતરાયણમાં આ કામ કરશો તો જેલમાં જશો, રાજ્ય સરકારે કરી જાહેરાત

• ચાઈનીઝ તુક્કલ અને ચાઈનીઝ દોરી પર પ્રતિબંઘ
• ગુજરાતમાં ચાઈનીઝ દોરી પર પ્રતિબંધ
• CM વિજય રૂપાણીએ કરી જાહેરાત

ઉત્તરાયણ નજીક આવી રહી છે ત્યારે ગુજરાત સરકારે મહત્વનો નિર્ણય લીધો છે. ગુજરાતમાં ચાઈનીઝ દોરીના વેચાણ, સપ્લાય અને ઉપયોગ પર પ્રતિબંધ લગાવવામાં આવ્યો છે. સાથે પ્લાસ્ટિકની દોરી અને તુક્કલ પર પણ પ્રતિબંધ ફરમાવવામાં આવ્યોછે.

આ મામલે સીએમ રૂપાણીએ કહ્યું હતું કે, ચાઈનીઝ દોરી પક્ષીઓ માટે જીવલેણ છે. સાથે માણસો માટે પણ આ દોરી જોખમી છે. જેથી ચાઈનીઝ દોરી પર સંપૂર્ણ પ્રતિબંધ ફરમાવવા માટે કવાયત હાથ ધરવામાં આવી છે. તેમજ આ મામલે કડક કાયદો પણ બનાવવામાં આવશે. જેથી જો કોઈ ચાઈનીઝ દોરીનું વેચાણ કરતા ઝડપાશે તો તેની સામે આકરા પગલા લેવામાં આવશે.

CM Shri @vijayrupanibjp orders to impose complete ban on the sale, supply or use of 'deadly' Chinese Manja or any kind of plastic thread used for kite flying and sky lanterns (Tukkal) with immediate effect under CrPC and Gujarat Police Act in the state pic.twitter.com/VeZTvIEz4I

— CMO Gujarat (@CMOGuj) January 2, 2020

ચાઈનીઝ દોરી સાથે પકડાયા તો જેલમાં જશો

ઉત્તરાયણ નજીક હોવાથી ચાઈનીઝ દોરીથી થતા અકસ્માતો નિવારી શકાય તે માટે રાજ્ય સરકારે આ નિર્ણય લીધો છે. CRPC કલમ અંતર્ગત સત્તા મળતાં પોલીસ હવે કાયદાકીય કાર્યવાહી કરશે. એટલે ચાઈનીઝ દોરી ખરીદતા કે વેચતા ઝડપાશો તો ઉત્તરાયણ હવે જેલમાં કરવી પડશે. પોલીસ આ વર્ષે અલર્ટ બને તેવી પૂરી સંભાવના છે. એટલું જ નહીં ચોરી-છુપીથી ચાઈનીઝ દોરીનું વેચાણ કરતા વેપારીઓ સામે પોલીસે લાલ આંખ કરીને તપાસ આરંભી છે.