ઑક્ટોબર મહિનાનાં અંતમાં આવતી દિવાળીએ મોટાભાગનાં લોકોનાં ઘરનાં બજેટ બગાડી દીધાં છે. તેવામાં મધ્યપ્રદેશનાં મુખ્યમંત્રી શિવરાજ સિંહ ચૌહાણે CMOનાં ઓફિશિયલ ટ્વીટર હેન્ડલનાં માધ્યમથી જાણકારી આપી છે કે રાજ્યનાં શાસકીય કર્મચારીઓને ઑક્ટોબર મહિનાનું વેતન દિવાળી પહેલાં જ આપી દેવામાં આવશે.
મઘ્યપ્રદેશના કર્મચારીઓને ભેટ
દિવાળી પહેલાં મળી જશે ઑક્ટોબરનું વેતન
CMએ આપી ટ્વિટર પર માહિતી
દિવાળીનો તહેવાર હવે આંગણે આવી ચૂક્યો છે ત્યારે આ વર્ષે દિપાવલી મહિનાનાં અંતમાં આવી રહી છે જેનાં કારણે મોટા ભાગનાં નોકરીયાત લોકોને બજેટમાં ખેંચ પડી રહી છે. ત્યારે મધ્યપ્રદેશનાં મુખ્યમંત્રીએ CMOનાં ટ્વીટર હેન્ડલ દ્વારા રાજ્યનાં સરકારી કર્મચારીઓને દિવાળી પહેલાં વેતન આપવાની જાહેરાત કરી ખુશ ખબર આપી છે.
ટ્વીટ કરી આપી માહિતી
CM શિવરાજસિંહ ચૌહાણે CMOનાં ઑફિશયલ ટ્વીટર હેન્ડલ પર માહિતી આપતાં લખ્યું કે દિવાળીનો પવિત્ર પર્વ આવી રહ્યો છે. અમારા તમામ કર્મચારીસાથી, પરિવાર સાથે હર્ષોલ્લાસથી આ પર્વ ઉજવે તેના માટે આ મહિનાનો પગાર દિવાળીથી પહેલાં આપવાનો આદેશ કર્યો છે. તમામ કર્મચારી સાથીઓને દિવાળીની શુભકામનાઓ: CM
दीपावली का पावन पर्व आ रहा है। हमारे सभी कर्मचारी साथी परिवार सहित दीपावली हर्षोल्लास के साथ मनाएं, इसलिए हम इस माह का वेतन दीपावली से पहले देने का आदेश जारी कर रहे हैं । सभी कर्मचारी साथियों को दीपावली की बहुत-बहुत शुभकामनाएं: CM
UPમાં યોગીજીએ આપી દિવાળી ગિફ્ટ
આ પહેલાં ઉત્તરપ્રદેશનાં સરકારી કર્મચારી અને પેન્શર્સને મુખ્યમંત્રી યોગી આદિત્યનાથે દિવાળીની ભેટ આપી હતી. તેમણે રાજ્ય કર્મચારી, પેન્શર્સ અને પારિવારિક પેન્શર્સ માટે મોંઘવારીનાં ભથ્થામાં વધારો કરવાનું એલાન કર્યું છે. તેની સાથે જ રાજ્ય સરકાર દિવાળી પર દરેક કર્મચારીને 6908 રૂપિયાનું બોનસ પણ આપશે.