આંદોલન / LRD ભરતીમાં આંદોલનકારી પુરુષ ઉમેદવારો માટે CM રૂપાણીનું સૂચન, ચિંતા કરવાની જરૂર નથી

• CM રૂપાણીનુ LRD આંદોલન મામલે નિવેદન 
• "વિદ્યાર્થીઓ ચિંતા ન કરે નવી ભરતી ચાલુ રહેશે"
• "યુવાનો નવી ભરતી માટે પ્રયત્ન કરે"

LRD ભરતીના મહિલા ઉમેદવારોની ભરતીમાં બેઠક વધારવાની જેમ પુરુષ ઉમેદવારો પણ તેમની બેઠક વધારવાની માગણી કરવામાં આવી રહી છે. ત્યારે મુખ્યપ્રધાન વિજય રૂપાણીએ આ અંગે એક નિવેદન આપ્યું છે. વિજય રૂપાણીએ કહ્યું કે, જૂની ભરતીની તમામ પ્રક્રિયા પૂર્ણ થઈ ચૂકી છે. અને જે ઉમેદવારો બાકી રહી ચૂક્યા છે. તેમના માટે અમે ભવિષ્યમાં 11 હજાર જેટલી બેઠક પર ભરતી કરવાના છીએ. જેના માટે કોઈ ચિંતા કરવાની જરૂર નથી. અમે સતત નવી ભરતીઓ કરી રહ્યા છે. 

LRD પુરુષો અન્યાયનો મામલો શું છે?

લોકરક્ષક દળની ભરતીને સંપૂર્ણપણે ફરીથી કરવા 187 ઉમેદવારોએ હાઈકોર્ટમાં રીટ કરી છે. LRDની ભરતીમાં 12 હજારથી વધુ ઉમેદવારોની નિમણૂક રદ કરવાની પણ માગ છે. અને ભરતી પ્રક્રિયાના અંતે મહિલાઓ માટે 2500 બેઠકો વધારવામાં આવી હતી. ન્યુમરરી પોસ્ટ ઉભી કરી મેરિટ વગરની મહિલા ઉમેદવારોની ભરતીનો વિરોધ થઈ રહ્યો છે.

સરકારે બંધારણની વિરુદ્ધ જઈને સ્ત્રીઓના અનામતના ક્રાઈટેરિયાને લાગૂ કર્યાનો આક્ષેપ લાગી રહ્યા છે. તો સાથે એવું પણ કહેવામાં આવી રહ્યું છે કે, અનામતને અપ્રત્યક્ષ રીતે નગણ્ય બનાવી જનરલ કેટેગરીની ભરતી કરાવામાં આવી છે. અને નવી ઉભી કરાયેલી 2478 પોસ્ટને 33% અનામતમાં ગણીને પુરુષોને અન્યાય થયો છે. તેવી વાત પણ કહેવામાં આવી છે.