રાજનીતિ / કરજણમાં નીતિન પટેલ પર જૂતું ફેંકાવા મામલે CM રૂપાણીએ કહ્યું કે, કોંગ્રેસને ચેતવણી છે કે...

• CM રૂપાણીએ કોંગ્રેસને ચેતવણી આપી
• નીતિન પટેલ પર જુતુ ફેંકનાર કોંગ્રેસી જ હશેઃ CM રૂપાણી
• આજે મુખ્યમંત્રી રૂપાણી કરજણ બેઠક પર કર્યો પ્રચાર

કરજણમાં નીતિન પટેલ પર જૂતું ફેકાવાનો મામલે CM રૂપાણીએ કોંગ્રેસને ચેતવણી આપી હતી. મુખ્યમંત્રીએ કહ્યું કે કોંગ્રેસને ચેતવણી છે સંયમમાં રહો, નીતિન પટેલ પર જુતુ ફેંકનાર કોંગ્રેસી જ હશે, સુરતમાં ઈંડુ ફેંકનાર કોગ્રેસના માણસ હતા. વધુમાં સીએમ રૂપાણીએ કહ્યું કે, ભાજપનો કાર્યકર શાંત છે ત્યાં સુધી સારૂ છે, નહીં તો ભાજપનો કાર્યકર ઈંટનો જવાબ પથ્થરથી આપશે.

ગઇકાલે નાયબ મુખ્યમંત્રી નીતિન પટેલે આજે કરજણના કુરાલી ગામે જાહેરસભાને સંબોધી હતી. આ જાહેરસભા બાદ નાયબ મુખ્યમંત્રી મીડિયા કર્મીઓને સંબોધી રહ્યા હતા. આ દરમિયાન કોઇ અજાણ્યા વ્યક્તિ દ્વારા નીતિન પટેલ પર જૂતું ફેકવામાં આવ્યું હતું.

હું કોંગ્રેસને ચેતવણી આપું છું

મહેરબાની કરીને સંયમમાં રહેજો, મારો ભાજપનો કાર્યકર્તા સંયમમાં છે ત્યાં સુધી સારું છે, બાકી તમને ભારે પડી જવાનું છે.

એક પણ નિમ્ન કક્ષાની હરકત અમારો કાર્યકર્તા ચલાવશે નહિ ઈંટનો જવાબ પથ્થરથી આપશે,આ તાકાત અમારી છે.:માન.મુખ્યમંત્રી શ્રી @vijayrupanibjp pic.twitter.com/l6HqRCHyA7

— BJP Gujarat (@BJP4Gujarat) October 27, 2020

ચપ્પલથી નહીં મતથી જવાબ આપોઃ પરેશ ધાનાણી

કરજણમાં નીતિન પટેલ પર ચપ્પલ ફેંકવાના મામલે કોંગ્રેસના નેતાઓએ કટાક્ષ કર્યો હતો. પરેશ ધાનણીએ કહ્યું હતું કે ચપ્પલ ફેંકવાની નવી ફેશન આવી છે. ચપ્પલ ફેંકી નહીં પરંતુ મતથી જવાબ આપો. ચૂંટણી આવતા લુખ્ખા તત્વોને જેલમાંથી બહાર કાઢી તેમનો ચૂંટણી જીતવા ઉપયોગ કરાય છે. જ્યારે અમિત ચાવડાએ કટાક્ષ કરતા કહ્યું કે તમારી જ પાર્ટીમાં અસંતોષ છે. તેમણે જ આ કૃત્ય કર્યું હશે.

CCTV ફૂટેજ આધારે શંકાસ્પદને અલગ તારવ્યો

મહત્વનું છે કે, DyCM પર જુતુ ફેંકવા મામલે ગૃહરાજ્યમંત્રીએ તપાસના આદેશ આપ્યા હતા. ત્યારે હવે પોલીસ તપાસ ચાલી રહી છે. CCTV ફૂટેજ આધારે શંકાસ્પદને અલગ તારવ્યો છે. શકમંદના ફોટો આધારે શખ્સની શોધખોળ શરૂ કરી દેવામાં આવી છે. બીજી તરફ સોમવારે DyCM પર ચપ્પલ ફેંકાયા બાદ પોલીસ એકશનમાં છે. કરજણમાં CM રૂપાણીની જાહેરસભા પહેલા ચુસ્ત બંદોબસ્ત ગોઠવી દેવામાં આવ્યો હતો. સભામાં આવનાર તમામ લોકોનું ચેકિંગ કરાયુ હતું.