નિર્ણય / કોરોના વધતા CM રૂપાણીએ લીધા મહત્વના નિર્ણયો, સુરતમાં ખાસ તૈયારીઓની કરી જાહેરાત

• કોરોનાથી ડરવાની જરૂર નથી પણ સાવચેતીની જરૂર : CM
• નવા 300 વેન્ટિલેટર સુરતને મળશે
• 3 લાખ રેમડેસિવિર ઇન્જેક્શનનો ઓર્ડર આપ્યો છે : CM રૂપાણી 

સુરતમાં CM રૂપાણીની અધ્યક્ષતામાં ઉચ્ચસ્તરિય બેઠક

સુરતમાં કોરોના સંક્રમણ વધતા મુખ્યમંત્રી રૂપાણીએ બેઠક કરી છે. આ બેઠકમાં સુરતના ધારાસભ્યો અને સાસંદ ઉપસ્થિત રહ્યાં હતાં. જેમાં અધિકારીઓ પાસેથી કામગીરી અંગે તેમણે માહિતી મેળવી હતી. CM રૂપાણીએ સુરતમાં કોરોના કામગીરી વધુ ઝડપી બનાવવા નિર્દેશ કર્યો છે. સુરતમાં વધુ 50 ધનવંતરી રથ શરૂ કરાવવામાં આવ્યા છે. નર્સિંગ હોમમાં કોરોના વાયરસના દર્દીઓને સારવાર શરૂ કરવા મંજૂરી આપવામાં આવી છે તથા 2500 રેમડેસિવિર ઇન્જેક્શનનો જથ્થો આજે જ સુરત મોકલાશે તેવી ખાતરી CM રૂપાણીએ આપી છે. 

ઈંજેક્શન ઓછા ન પડે તે માટે મહત્વની જાહેરાત 

કોરોના વાયરસનો વ્યાપ વધવાના રેમડેસિવિર ઈન્જેક્શન માટે ઘણા બધા કોરોના દર્દીઓના પરિજનોને પરેશાની થઈ રહી છે ત્યારે આજે આ ઇન્જેકશન મુદ્દે મોટું નિવેદન આપતા કહ્યું કે ગઇકાલની બેઠકમાં જ ઘણા બધા નિર્ણય લેવામાં આવ્યા છે. સરકારે ઝાયડસને 3 લાખ ઈન્જેક્શનનો ઓર્ડર આપી દીધો છે. હવે તંત્ર દ્વારા એવો નિર્ણય લેવામાં આવી શકે છે કે જેથી ઈન્જેક્શન માટે લોકોને ફરવુ ન પડે તેવી વ્યવસ્થા ઊભી થાય. 

ગુજરાતમાં 3-4 દિવસના કર્ફ્યૂને લઈને જુઓ CM રૂપાણીએ જાણો શું કહ્યું? 

CM રૂપાણીએ વધુમાં જણાવ્યું હતું કે, હાઇકોર્ટના નિર્દેશ અંગે ચર્ચા થઇ છે, આ મુદ્દે એડવોકેટ જનરલ કમલ ત્રિવેદી સાથે વાતચીત થઇ છે. આજે રાત્રે વકિલ તરફથી હાઇકોર્ટના નિર્દેશ મામલે સમગ્ર રિપોર્ટ મળશે. ત્યારબાદ કોર ગ્રુપ આ મામલે ચર્ચા કરશે. ત્યારબાદ નિર્ણય લેવાશે. આ સાથે જ મુખ્યમંત્રીએ જણાવ્યું હતું કે, કોઇ ડિટેઇલ વધુ નથી મારી પાસે. લોકો ચિંતા ન કરે. સરકારનો સ્પષ્ટ અભિગમ છે, કોરોના સામેના સંઘર્ષમાં કોઇ પીછેહઠ થશે નહીં. લોકોને તકલીફ ન પડે અને કોરોના પણ લોકોને ન થાય તે પણ અમારી જવાબદારી છે. લોકોના હિતમાં અમે નિર્ણય કરીશું.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

કોરોનાથી ગભરાવાની જરૂર નથી : CM 

પ્રેસ કોન્ફરન્સને સંબોધન કરતા CM રૂપાણીએ વધુમાં કહ્યું હતું કે, જે રીતે દેશભરમાં કોરોનાનું વાતાવરણ છે તે જોતા લાગે છે કે, હજુ પણ કેસ વધશે. તેનાથી આપણે ડરવાની જરૂર નથી પરંતુ સાવચેતી રાખવાની જરૂર છે. હાલ દરરોજ 4 લાખથી વધુનું વેક્સિનેશન કરી રહ્યા છીએ. ગુજરાતમાં અત્યાર સુધીમાં 70 લાખ લોકોને વેક્સિન આપી ચૂક્યા છીએ. આપણા હાથમાં હથિયાર છે, વેક્સિન છે, લોકો વેક્સિન લગાવે તે જરૂરી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

ગઇકાલે મુખ્યમંત્રીની અધ્યક્ષતામાં કોર કમિટીના 7 મહત્વના નિર્ણય

1. ઓક્સિજનના ઉત્પાદકોએ 60 ટકા સપ્લાય આરોગ્ય ક્ષેત્ર માટે આપવાનો રહેશે
2. 8 મહાનગરોમાં 500-500 બેડના કોવિડ સેન્ટર શરૂ કરાશે 
3. કોવિડ સેન્ટરનું સુપરવિઝન 8 IAS-IFS અધિકારીઓને સોંપાયું
4. પ્રાઇવેટ નર્સિંગ હોમ ક્લિનિક્સ ICU કે વેન્ટિલેટર સુવિધા સિવાય ડેડીકેટેડ કોવિડ કેર સેન્ટર શરૂ કરી શકશે 
5. કોવિડ હેલ્થ સેન્ટર માટે દૈનિક મહત્તમ 2 હજાર રૂપિયા ચાર્જ લઇ શકાશે, કોવિડ કેર સેન્ટર માટે દૈનિક મહત્તમ 1500 ચાર્જ લઇ શકાશે, આ ચાર્જમાં રેમડીસીવીર ઇન્જેકશનની કિંમતોનો સમાવેશ નહીં 
6. સિવિલ હોસ્પિટલ સોલા, SVP, નગરી અને LG હોસ્પિટલમાં ઇન્જેકશન નહીં નફો નહીં નુકસાનના ધોરણે મળશે 
7. આગામી દિવસોમાં રાજ્યની બધી જ APMC અને અમૂલ પાર્લર પરથી ટ્રિપલ લેયર માસ્ક રૂપિયા 1ની કિંમતે નાગરિકોને મળશે