અવઢવ / હેલ્મેટ મામલે ખુદ CM રૂપાણીનું કભી હાં કભી ના, આખરે હેલ્મેટ પહેરવું કે નહી?

હેલ્મેટ મામલે બોલ્યા CM રૂપાણી
હેલ્મેટનો કેસ કોર્ટમાં ચાલે છે- CM
વકીલ કોર્ટમાં જવાબ આપશે- CM

આપને જણાવી દઈએ કે હાઈકોર્ટમાં હેલ્મેટ મરજિયાત કરવા મામલે થયેલી જાહેરહિતની અરજી બાદ રાજ્ય સરકારે નિર્ણય બદલ્યો છે... આ પહેલા સરકારે 4 ડિસેમ્બર 2019ના રોજ શહેરી વિસ્તારમાં હેલ્મેટ પહેરવામાં રાહત આપી હતી.

હવેથી રાજ્યમાં હેલ્મેટ પહેરવું ફરજિયાત જ છે

હવેથી રાજ્યમાં હેલ્મેટ પહેરવું ફરજિયાત જ છે, મરજિયાત નથી, જી હાં સરકારે આ મુદ્દે યૂટર્ન લીધો છે.  ગુજરાત હાઈકોર્ટમાં રાજ્ય સરકારે કહ્યું હેલમેટ મરજિયાત કરવા અંગે કોઈ પરિપત્ર જાહેર કરવામાં આવ્યો નથી. સરકારે રાજ્યમાં હેલ્મેટ મરજિયાત કરવાના નિર્ણય સામે ગુજરાત હાઇકોર્ટમાં પીઆઇએલ કરવામાં આવી હતી. 

શું કહ્યું સુનાવણીમાં

સુનાવણી દરમિયાન સરકારે  કોર્ટમાં કહ્યું હેલ્મેટ પહેરવું મરજિયાત નથી  બનાવ્યું હેલ્મેટ ફરજીયાત જ છે.  આ મુદ્દે  સરકારે કોઈ સર્ક્યુલર કે  નોટીફિકેશન  બહાર પાડ્યું નથી. હાઇકોર્ટમાં કરવામાં આવેલી પીઆઇએલમાં મોટર વ્હીકલ એક્ટની જોગવાઈનો કડક અમલ થાય એવી માંગ કરવામાં આવી હતી. હાઇકોર્ટે આ મામલે ટ્રાન્સપોર્ટ સચિવને એફિડેવિટ દાખલ કરવાનો આદેશ આપ્યો છે. આ અગાઉ રાજ્ય સરકારે  કેન્દ્ર સરકારે ઘડેલો મોટર વ્હીકલ એક્ટ હળવા દંડ સાથે લાગુ કર્યો હતો