કાયદો / CM રૂપાણીના આ નિવેદનથી ગુજરાતીઓ ફરીથી હેલ્મેટ પહેરવાની તૈયારી રાખે! કંઈક નવું થશે!

• ગુજરાત હાઈકોર્ટે ગુજરાત સરકારને હેલ્મેટ મુદ્દે ટપારી હતી
• ગુજરાત સરકાર ફરીથી હેલ્મેટને ફરજિયાત બનાવી શકે છે
• રૂા. 500 જેટલો દંડ વસૂલાતો હતો

હેલ્મેટ મામલે લોકોના વિરોધ બાદ રાજ્ય સરકારે મહાનગરપાલિકા અને નગરપાલિકા વિસ્તારોમાં આવતા માર્ગો પર હેલ્મેટ મરજિયાત કર્યું હતું. જ્યારે હાઈ-વે પર હેલ્મેટ ફરજિયાત પહેરવું પડશે. જોકે હવે મુખ્યમંત્રીનું આ નિવેદન સામે આવ્યું છે. જેમાં મુખ્યમંત્રીએ કહ્યું કે હેલ્મેટ માટેનો કાયદો સરકારે થોડા સમય માટે જ મરજિયાત કર્યો છે. એટલે કે આગામી દિવસોમાં સરકાર કાયદો ફરજિયાત પણ કરી શકે છે

ક્યા રસ્તાઓ પર હેલ્મેટ ફરજિયાત રહેશે?

સરકારની જાહેરાત પ્રમાણે નગરપાલિકાઓ અને મહાનગરપાલિકા વિસ્તારોમાં હેલ્મેટ પહેરવું ફરજિયાત નથી. જોકે, રાજ્યના ધોરીમાર્ગો, રાષ્ટ્રીય ધોરીમાર્ગો અને પંચાયતના માર્ગો પર હેલ્મેટ પહેરવું ફરજિયાત છે. હેલ્મેટ મરજિયાત કરવા અંગે મંત્રીનું કહેવું હતું કે, શહેરી વિસ્તારોમાં એક જગ્યાએથી બીજી જગ્યાનું અંતર ઓછું હોય છે. આથી અહીં હેલ્મેટ ફરજિયાતની જરૂર લાગતી નથી. વળી હેલ્મેટને લઈને કડક કાયદા સાથે ટુવ્હીલર પર રૂા. 500 જેટલો દંડ પણ વસૂલાતો હતો.