નવો નિયમ / રાજ્ય સરકારનો ઐતિહાસિક નિર્ણય : 16 જેટલી ચેકપોસ્ટ નાબૂદ, લર્નિંગ લાયસન્સ હવે ITIમાં થઈ શકશે

• 20. નવેમ્બર થી રાજ્યની તમામ 16 ચેકપોસ્ટ નાબૂદ કરવામાં આવશે, 
• વાહન ટ્રાસ્ફર  રકમ અને મોટા વાહનોના ટેક્સ  ઓનલાઈન પૈસા ભરવાના રહેશે 
• ચેકપોસ્ટ પર વસુલવામાં આવતા ટેક્સ પણ ઓનલાઈન કરવામાં આવશે 
• રાજ્યમાં ઓવરલોડ વેહિકલ પર પ્રતિબંધ મુકવામાં આવશે  

લર્નિંગ લાયસન્સની કામગીરી 15મી નવેમ્બર 2019થી ITI ખાતેથી શરૂ કરી દેવામાં આવશે. અત્યાર સુધી જે કામગીરી 36 RTO કચેરીમાં થતી હતી તે હવે 221 ITIમાંથી થશે. 8 લાખ લોકોને ફરજિયાત જિલ્લા મથકે લાયસન્સ લેવા આવવુ પડતું હતુ તેમને તાલુકા મથકે ચાલશે. 

ફીનું ચૂકવણું parivahan.org.in પર ઓનલાઈન કરી શકશે

ગુડ્સ વ્હીકલ અને અન્ય વાહનોના માલિકો વાહન અને વાહનમાં ભરેલ માલ અંગે ખોટી માહિતી આપશે તો ફલાઈંગ સ્કોડ દ્વારા બમણો દંડ વસુલવામાં આવશે.વાહન માલિકો અને ટ્રાન્સપોર્ટરો કર અને ફીનું ચૂકવણું parivahan.org.in પર ઓનલાઈન કરી શકશે.

ઓનલાઈન એક્ઝેમ્પશન મેળવી શકાશે

ઓવરડાયમેન્શન કાર્ગો માટે વાહન અને માલની એક્ઝેમ્પશનની જોગવાઈ કરાઈ છે. જે મુજબ ઓનલાઈન એક્ઝેમ્પશન મેળવી શકાશે. ચેક પોસ્ટની આવક રૂ. 332 કરોડ હતી જે ઓનલાઈન સ્વીકારાશે. ઓડીસી મોડ્યુઅલ પર કોઈ પણ વાહન માલિક વાહન અને માલ સબંધિત ફી અને કર ભરીને મુક્તિ મેળવેલી ના હોય તેમજ માલ અને વાહન સબંધી ખોટી માહિતી આપશે તો બમણો દંડ વસુલાશે

 આ નિર્ણયથી ટ્રાફિક પ્રદૂષણ ઘટશે

ઓવરલોડ માલનું પરિવહન પ્રતિબંધિત છે. ઓવરલોડ માલની પરવાનગી ઓડીસી મોડ્યુઅલ પર મળશે નહિ.  આ નિર્ણયથી ટ્રાફિક પ્રદૂષણ ઘટશે, ધંધા - રોજગારમાં વધારો થશે.  ચેક પોસ્ટ પર કર અને ફી વસુલવાની કામગિરી આ સાથે બંધ થશે

ઈચલણને મળશે પ્રાધાન્ય

હેન્ડલ ડિવાઇસથી ચલણ લેવામાં આવશે. RTO દ્વારા 359 ડિવાઇસ ખરીદવામાં આવ્યા છે. દર વર્ષે ગુજરાતમાં 1.5 કરોડ વાહનો રજીસ્ટેશન થાય છે. લોકોની સરળતા માટે થઇને નિર્ણય લેવાયો છે.

ફરિયાદ માટે ના હેલ્પ લાઈન નંબર, ઈમેઈલ
 વાહન માલિકોને ફરિયાદ કરવા માટે બે હેલ્પ લાઈન નંબર
- 07923257808 , 07923251369

ઈ-મેઈલ : [email protected]

વધારાની વિગતો માટે વેબસાઈટ પર પણ મુકવામાં આવી છે. 
cot.gujarat.gov.in