ગુજરાતમાં CM રૂપાણીએ આજે પત્રકાર પરિષદ યોજીને નવી સોલાર પાવર પોલિસી 2021ની જાહેરાત કરી હતી.
રાજ્યમાં સોલાર પાવર પોલિસી 2021ની જાહેરાત
નવી પોલિસીથી રાજ્યના ઉદ્યોગોને વેગ મળશે-CM
દુનિયાના માર્કેટમાં મેઈડ ઈન ગુજરાતને વેગ મળશે-CM
રાજ્યમાં સોલાર પાવર પોલિસી 2021ની જાહેરાત થઈ ગઈ છે. CM Rupani નવી પોલિસીની પોલીસીની જાહેરાત કરી હતી. ગુજરાતમાં 5 વર્ષ માટે નવી સોલાર પોલિસીની જાહેરાત કરવામાં આવી છે. જેમાં નવી પોલિસી હેઠળ ઉદ્યોગોને 4.50 રૂપિયા યુનિટ વીજળી મળી શકે છે.
શું કહ્યું CM રૂપાણીએ?
CM રૂપાણીએ જણાવ્યું હતું કે, ગુજરાતમાં નવી સોલાર પાવર પોલિસી 2020ની જાહેરાત કરાઈ છે. સોલાર પાવર પોલિસી આગામી 5 વર્ષની રહેશે. આ પોલિસીથી ઉદ્યોગોમાં પાવર કોસ્ટ નીચે આવશે. સીએમે વધુમાં જણાવ્યું કે, નવી નીતિથી સૌરઊર્જાનો દર ઘટશે. અત્યારે રૂ.8 પ્રતિ યુનિટ ઉદ્યોગોને પાવર મળે છે .નવી પોલિસી હેઠળ ઉદ્યોગોને 4.50 રૂપિયા યુનિટ વીજળી મળી શકે છે. મેડ ઈન ગુજરાત વિશ્વમાં છવાઈ જશે. દેશની પ્રથમ ઓપન સોલાર પોલિસી હશે.નવી પોલિસીથી નાના-મોટા ઉદ્યોગકારોનો પાવર કોસ્ટ નીચે આવશે. નાના અને મોટા ઉદ્યોગોને નવી પોલિસીથી ફાયદો થશે.