VIDEO: ખનન રોકવા માટે ડ્રોન દ્વારા કરાશે સર્વેલન્સ રાજ્ય સરકારનો નિર્ણય

ગાંધીનગર: રાજ્યમાં રેતી ખનન ભ્રષ્ટાચારમાં વધારો થઈ રહ્યો છે. જેને લઈને સીએમ રૂપાણીએ ગાંધીનગરમાં સાબરમતી નદીના પટમાં  ડ્રોન સર્વેલન્સ શરૂ કર્યુ હતું. જેમાં ડ્રોન કેમેરા દ્વારા 2 લાખ સ્કેવર કિ.મી. જમીન અને 100 મીટરના અંતર સુધી દ્રશ્યો કેદ કરી શકાશે જેથી રાજ્યમાં બિનઅધિકૃત રેતી ખનનને રોકી શકાય. રેતી ખનન જેવા કૌભાંડને રાકવા માટે રાજ્યના ખાણ વિભાગ દ્વારા આ પગતું ઉઠાવવામાં આવ્યુ છે. 

ઉલ્લેખનીય છે કે ગઇકાલે બોટાદના ખાણ ખનીજ વિભાગના એક અધિકારી યોગેશ પટેલનો ઓડિયો વાયરલ થયો હતો.આ ઓડિયોમાં એક સ્થાનિક યોગેશ પટેલને ખનીજની ચોરીની ફરિયાદ કરી રહ્યો છે. આ ઓડિયોમાં સ્થાનિક અધિકારીને ભ્રષ્ટાચારી પણ કહી રહ્યો છે અને અધિકારી પર પૈસા લેવાના આક્ષેપ પણ કરી રહ્યો છે.



આ તે નાગરિક દ્વારા કહી રહ્યો હતો કે ઘણા સમયથી ખનીજની ચોરીની ફરિયાદ થાય છે તેમ છતાં અધિકારીઓ દ્વારા પગલા કેમ લેવામાં આવતા નથી.ખનીજ ચોરીની જાણકારી હોવા છતા અધિકારીઓ દ્વારા તેમના વિરૂદ્ધમાં કાર્યવાહી કેમ કરવામાં આવતી નથી. રાજ્યના કેટલાય પ્રદેશમાં ગેરકાયદે રેતી ખનન કરવાની પ્રવૃત્તિ કરવામાં આવે છે આવી પ્રવૃત્તિ થઇ રહી હોવા છતા તંત્ર પણ ઘણીવાર આંખ આડા કાન કરે છે.

તો કેટલાક સ્થળો પર તંત્ર દરોડા પાડે છે ત્યારે રાજ્યના મુખ્યપ્રધાન દ્વારા ડ્રોન મારફતે ગાંધીનગરની સાબરમતી નદીના પટમાં સર્વેલન્સ કરવાની વાત કરવામાં આવી હતી. ત્યારે સમગ્ર રાજ્યમાં આ પ્રકારની સુવિધા અમલી બનાવાય તેવી લોકમાંગ ઉઠવા પામી છે.