અમદાવાદમાં જે પ્રકારે ટ્રાફિકની સમસ્યાનો હલ કરવા ટ્રાફિક પોલીસ કામે લાગી છે તેને જોતા રાજ્યની તમામ મ્યુનિસિપલ કોર્પોરેશનને ટ્રાફિક ઝુંબેશ શરૂ કરવા આદેશ કરવામાં આવ્યો છે.
મુખ્યમંત્રીએ તમામ મનપામાં ટ્રાફિક ઝુંબેશ શરૂ કરવા આદેશ આપ્યો છે. ગેરકાયદે વાહન પાર્કિંગ કરનાર સામે કડક કાર્યવાહી કરવા અને ટ્રાફિકના નિયમોનો ભંગ કરનાર સામે કડક કાર્યવાહી કરવા મુખ્યમંત્રીએ આદેશ આપ્યા છે. તો આ મામલે રાજ્ય પોલીસ વડાને પણ સુચના આપી દેવામાં આવી છે.
અમદાવાદ શહેરમાં ટ્રાફિકની સમસ્યા માથાનો દુખાવો બની ગઈ છે. ત્યારે રાજ્યના કેટલાક શહેરોમાં પણ થતાં ટ્રાફિક મુદ્દે મુખ્યમંત્રીએ તમામ મનપાને ટ્રાફિક ઝુંબેશ શરૂ કરવા માટે આદેશ આપ્યો છે. મહત્વનું છે કે છેલ્લા કેટલાક દિવસોથી HCની ટકોર બાદ ટ્રાફિક પોલીસ હરકતમાં આવી છે.
ઉલ્લેખનીય છે કે આ ઝુંબેશ બાદ હવે સીએમ રૂપાણીએ રાજ્યની તમામ મનપાને ટ્રાફિક ઝુંબેશ શરૂ કરવા માટે આદેશ આપ્યા છે. જેમાં ગેરકાયદે વાહન પાર્કિંગ ટ્રાફિકના નિયમોનો ભંગ કરનારા સામે કડક કાર્યવાહી કરવા માટે મુખ્યમંત્રીએ કડક વલણ અપનાવવા માટે આદેશ આપ્યા છે.