ગાંધીનગરમાં મુખ્યમંત્રીના નિવાસસ્થાનેથી માત્ર 5 કિલોમીટરના જ અંતરે આ રોડ આવેલો છે. CRPF કેમ્પ પાસે રોડ સાવ તુટી ગયો છે.
ગાંધીનગર CM નિવાસસ્થાનથી માત્ર 5 કિમી દૂર
CRPF કેમ્પ પાસ રોડની ખરાબ હાલત
નવા બની રહેલા રોડની બંને સાઈડો પણ ખોદી નંખાઈ
દિવાળી પહેલા તમામ માર્ગો યોગ્ય બનાવાશે
આજે મળેલી બેઠકમાં રાજ્યમાં રોડ રસ્તાની હાલતને લઈને સરકારે અધિકારીઓને લતાડ લગાવી હતી. અને દિવાળી સુધીમાં રોડ રસ્તાને બ્યુટીફિકેશન અને રિસરફેસ કરવાનું જણાવ્યું હતુ.
નવા બની રહેલા રોડની બંને સાઈડો પણ ખોદી નંખાઈ
રાજ્યમાં અવિરત વરસાદ વરસી રહ્યો છે. જેના કારણે રોડ અને રસ્તાની હાલત સાવ ખરાબ થઈ ગઈ છે. ચિલોડાથી ગાંધીનગર રોડ બિસ્માર હાલતમાં આવી ગયો છે. પાટનગરને જોડતો આ માર્ગ સાવ ખાડા ખાબોચિયાવાળો થઈ જતા લોકોમાં રોષ જોવા મળી રહ્યો છે. ગાંધીનગરમાં મુખ્યમંત્રીના નિવાસસ્થાનેથી માત્ર 5 કિલોમીટરના જ અંતરે આ રોડ આવેલો છે. CRPF કેમ્પ પાસે રોડ સાવ તુટી ગયો છે. તો રોડની બન્ને સાઈડો પણ ખોદી નાંખવામાં આવી છે. જેના કારણે રોડની પહોળાઈ ઓછી થઈ ગઈ છે...વાહન ચાલકોને ભારે હાલાકીનો સામનો કરવો પડી રહ્યો છે.
દિવાળી પહેલા તમામ માર્ગો યોગ્ય બનાવાશે
CM રૂપાણી કહ્યું કે સારા માર્ગો-રસ્તાઓ ગુજરાતની ઓળખ છે ત્યારે વર્ષારૂતુમાં વરસાદને કારણે રોડ-રસ્તાને જે નાનુ-મોટું નુકશાન થયું હોય તે માટે રિપેરીંગ-રિસરફેસીંગની તૈયારીઓ માસ્ટર પ્લાન સાથે કરી દેવાય અને ઊઘાડ નીકળતાં જ તે દુરસ્તી કામો હાથ ધરાય તેવી સ્પષ્ટ સૂચનાઓ આપી હતી. આગામી દિવાળી પહેલાં આવા તમામ માર્ગો રસ્તાઓ પૂર્વવત બને તે માટેની કાર્યવાહીની પણ મુખ્યમંત્રીશ્રીએ તાકિદ કરી હતી.
તેમણે નગરપાલિકા વિસ્તારોમાં સ્વચ્છતા સહિતના કામો માટે આયોજનબદ્ધ લક્ષ્યાંક નિર્ધારીત કરીને કામગીરી કરવાની રિજીયોનલ મ્યુનિસીપાલિટીઝ કમિશનરોને તાકિદ કરી હતી.
તેમણે ઉમેર્યુ કે, આ કમિશનરો સરકાર અને મ્યુનિસિપાલિટીઝ તંત્ર વચ્ચે કડીરૂપ ભૂમિકા નિભાવે છે તેથી પેન્ડીંગ કામોના નિકાલ, રોડ, રસ્તા, લાઇટ, પાણી, ગટરના કામો સફાઇના કામો સંપૂર્ણ તાકાતથી ગિયર અપ થાય તેવું તેમણે સુનિશ્ચિત કરવું પડશે.
નગરો-મહનગરોમાં ટી.પી., ડી.પી.ની પરવાનગીમાં રાજ્ય સરકારે જે ઝડપી કાર્યવાહી કરીને યુદ્ધના ધોરણે તેનો નિકાલ કરવાની કાર્યસંસ્કૃતિ વિકસાવી છે તે જ રીતે ટી.પી સ્કીમ નો ડ્રાફ્ટ મંજૂર થાય એટલે તરતજ અમલીકરણ ની કામગીરી શરૂ થાય ખાસ કરીને રસ્તાની જમીન ના સત્તા મંડળ લઇ લે અને આંતર માળખાકીય સુવિધા ના કામો માટે જરૂરી કામગીરી કરે તેવું સૂચન કર્યુ હતું. પારદર્શી, ભ્રષ્ટાચાર રહિત અને ફેઇસ લેસ વ્યવસ્થાઓ નાગરિક કેન્દ્રીત સેવાઓ ઓનલાઇન કરીને વિકસાવવા સમયાનુકુલ કાર્યવાહીના સેટ અપ માટે પણ આ બેઠકમાં હિમાયત કરી હતી. સરકાર ટેકનોલોજી આધારિત વ્યવસ્થાઓ વિકસાવી ટ્રાન્સપેરન્સી અને ઝડપી નિર્ણયોથી આગળ વધી રહી છે તે સંજોગોમાં સ્થાનિક સ્વરાજ્યની સંસ્થાઓએ પણ કદમ મિલાવતી અનુરૂપ સુવિધાઓ ઊભી કરવી જોઇએ.