હુકમથી / સરકાર એક્શનમાં: ગુજરાતમાં હવે ઓક્સિજનની ઘટને લઈને CM રૂપાણીએ આપ્યા આ આદેશ

• રાજ્યમાં ઓક્સિજન પ્લાન્ટ પર સરકારનુ સીધું મોનીટરીંગ
• CM રૂપાણીએ ઓક્સિજન પ્લાન્ટ પર મોનિટરિંગના આપ્યા આદેશ
• દરેક ઓક્સિજન પ્લાન્ટ પર સરકારી અધિકારીની નિમણુંક કરાઈ

રાજ્યમાં ઓક્સિજન પ્લાન્ટ પર સરકારનું સીધું મોનિટરિંગ છે. CM રૂપાણીએ ઓક્સિજન પ્લાન્ટ પર મોનિટરિંગના આદેશ આપ્યા છે. દરેક ઓક્સિજન પ્લાન્ટ પર સરકારી અધિકારીની નિમણૂક કરાઈ છે. 

CM રૂપાણીએ ઓક્સિજન પ્લાન્ટ પર મોનિટરિંગના આપ્યા આદેશ

ઓક્સિજન સપ્લાય પર સરકારની સીધી નજર રહેશે. ઓક્સિજન સપ્લાય વાહન પર પોલીસ મોનિટરિંગ રાખશે. ઓક્સિજન પ્લાન્ટથી હોસ્પિટલ સુધી મોનિટરિંગ રાખશે. હાલ રાજ્યમાં 800 મેટ્રિક ટન ઓક્સિજનનો વપરાશ છે. કોરોનાને લીધે ઓક્સિજનનો વપરાશ વધ્યો છે. અન્ય રાજ્ય ઓક્સિજનના જથ્થાની માગ કરી રહ્યા છે પણ CM રૂપાણીએ સૂચના આપી છે કે, અન્ય રાજ્યને ઓક્સિજન જથ્થો ન આપવો. 

ગઈ કાલે પણ લીધા આ નિર્ણય

ગુજરાતમાં CM રૂપાણી દ્વારા મહત્વની જાહેરાત કરાઈ છે. કોરોનાના દર્દીઓના HRCT અને સીટી સ્કેન માટે કિંમત નિર્ધારીત કરી છે. કોરોનાના દર્દીઓને રાહત આપતો રાજ્ય સરકારે નિર્ણય કર્યો છે. HRCT અને CT Scanનો મહત્તમ ભાવ રૂ. 3000 નક્કી કરી દેવાયો છે. નક્કી કરેલ ભાવથી વધુ ભાવ લેનાર સામે કાર્યવાહી કરાશે. જો કોઈપણ ડાયગ્નોસ્ટિક સેન્ટર કે લેબોરેટરી વધુ ભાવ લેશે તો કાર્યવાહી થશે.

મુખ્યમંત્રીની અધ્યક્ષતામાં યોજાયેલી બેઠકમાં લેવાયો નિર્ણય

મુખ્યમંત્રી વિજય રૂપાણીની અધ્યક્ષતામાં કોર કમિટીની બેઠક યોજાઈ હતી. જેમાં લેવાયેલા નિર્ણયની જાહેરાત કરતા જણાવ્યું કે, કોરોનાના દર્દીઓને સીટી સ્કેનની આવશ્યકતા ઊભી થાય છે. અને HRCT રિપોર્ટ કરાવવો પડે છે. રાજ્ય સરકારના ધ્યાને આવ્યું હતું કે, અલગ-અલગ શહેરોમાં કાર્યરત ડાયગ્નોસ્ટિક સેન્ટર મનફાવે તે રીતે દર્દીઓ પાસેથી ભાવ લે છે. કોરોનાના દર્દીઓને હાલાકી ન ભોગવવી પડે અને તેમની મુશ્કેલીઓમાં રાહત મળે તે હેતુથી સરકારે તમામ ડાયગ્નોસ્ટિક સેન્ટર માટે HRCT સીટી સ્કેનના ભાવ રૂપિયા 3,000  નિયત કર્યા છે.

ગુજરાતમાં કોરોનાની સ્થિતિ

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 8,920 કેસ નોંધાયા છે તો 94 લોકોની મોત છેલ્લા 24 કલાકમાં નોંધાઈ છે. અને 3,387 દર્દીઓ સાજા થયાં છે. આ સાથે જ અત્યાર સુધીમાં 32,9781 દર્દીઓ કોરોના મુક્ત થયાં છે. 

છેલ્લા 24 કલાકમાં 94 દર્દીઓના મોતથી ખળભળાટ

ઉલ્લેખનીય છે કે, છેલ્લા 24 કલાકમાં રાજ્યમાં 94 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 5170 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 283 લોકો વેન્ટિલેટર પર છે. એક્ટિવ કેસનો આંકડો 49,737 પર પહોંચ્યો છે.