વાહ સરકાર...! 181 અભયમ મોબાઈલ એપનું CM વિજય રૂપાણીએ કર્યું લોન્ચિંગ

અમદાવાદ: મુખ્યમંત્રી વિજય રૂપાણીએ ગુજરાતની મહિલાઓ માતાઓ બહેનો ઝડપી અને સચોટ તત્કાલ મદદ સેવા માટેની અભિનવ પહેલ 181 અભયમ મોબાઈલ એપનું લોન્ચિંગ કર્યું છે.

રાજ્યમાં ક્યાંય પણ કોઇ પણ મહિલા મુસીબતમાં હોય તેમની મદદ કરવા માટે આ એપ લોન્ચ કરવામાં આવી હતી. આ એપમાં વિગત અપલોડ કરતા જ ગણતરીની પળોમાં જ મદદ પુરી પાડવામાં આવશે. આ એપ સ્માર્ટ ફોનમાં ગૂગલ પ્લેસ્ટોરમાંથી તેમજ એપલ IOS પરથી ડાઉનલોડ કરી શકાય છે.
  

With a view to further ensure immediate assistance to women in distress and curb violence against women Gujarat CM Shri @vijayrupanibjp today launched ‘181 Abhayam’ Mobile Application with enhanced features devised by @WCDGujarat of Gujarat Govt in association with GVK-EMRI pic.twitter.com/V0lLGfUvXp

— CMO Gujarat (@CMOGuj) August 6 2018

ઉલ્લેખનીય છે કે રાજ્ય સરકારના મહિલા બાળ કલ્યાણ વિભાગ ગૃહ વિભાગ તેમજ મહિલા આયોગ  દ્વારા આ 181 અભયમ મોબાઈલ એપ GVK EMRI ના સહયોગથી વિકસાવવામાં આવી છે.

એપના લોન્ચિંગ સમારોહમાં ગુજરાત સરકારના ગૃહ રાજ્યમંત્રી પ્રદીપ સિંહ જાડેજા મહિલા બાળ કલ્યાણ મંત્રી વિભાવરી બહેન દવે તેમજ વરિષ્ઠ અધિકારીઓ ખાસ ઉપસ્થિત રહ્યા હતા. વિજયભાઈ રૂપાણીએ આ સેવાઓનો વ્યાપ વિસ્તારીને જરૂરતમંદ બહેનોને તાત્કાલિક મદદ સેવા મળે તેની તાકીદ કરી હતી.  
 

‘181 Abhayam’ Mobile Application will make women feel more secure.
The app allows woman in danger to seek help by just shaking of mobile phone or pressing panic button and also provides facility to upload videos or photographs pic.twitter.com/YuKqByr5yD

— CMO Gujarat (@CMOGuj) August 6 2018

આપને જણાવી દઇએ કે મહિલા સશક્તિકરણ અને મહિલાઓને ઘરેલું હિંસાથી બચાવવા માટે 181 મહિલા હેલ્પલાઇન શરૂ કરેલ છે. આ હેલ્પલાઇન મારફતે ગુજરાતના કોઇપણ શહેરની કોઇપણ મહિલા તેના પર થતા અત્યાચાર અંગેની ફરિયાદ કરી શકે છે.

આ ફરિયાદની જાણકારી પ્રાપ્ત થતાં જ સ્થાનિક હેલ્પલાઇન સેન્ટરનું એક વાહન ઘટના સ્થળ પર પહોંચીને મહિલાનો બચાવ કરે છે. ત્યારે આજરોજ સરકારે વધુ એક સેવા મહિલાઓને અર્પણ કરી હતી.