રાજ્યમાં વધતી આગની ઘટનાને લઇને રાજ્ય સરકાર એક્શન મોડમાં છે. ગાંધીનગરમાં મુખ્યમંત્રી વિજય રૂપાણીએ પ્રેસ કોન્ફરન્સ યોજી. જેમાં તેમણે ફાયર સેફ્ટીને લઇને મહત્વની જાહેરાત કરી છે.
રાજ્યમાં વધતી આગની ઘટનાને લઇ સરકાર એક્શન મોડમાં
હોસ્પિટલો, ફેકટરીઓમાં આગ લાગવાનો સિલસિલો છે યથાવત
ફાયર સેફ્ટીને લઇ CM રૂપાણીની મહત્વની જાહેરાત
રાજ્યમાં હોસ્પિટલો, ફેકટરીઓમાં આગ લાગવાનો યથાવત્ સિલસિલો છે ત્યારે ફાયર સેફ્ટીને લઇ CM રૂપાણીએ મહત્વની જાહેરાત કરી છે. CMએ કહ્યું કે, ગુજરાત ઔધોગિક વાણિજ્ય અને રોલ મોડલ વાળું ગુજરાત છે. લોકોની સુરક્ષા આપણી જવાબદારી છે. તેથી ફાયર રેગ્યુલેશન સિસ્ટમ સુવ્યવસ્થિત બનાવાશે.
આખા દેશમાં ગુજરાતે ફાયરને લઇ સિસ્ટમ તૈયાર કરી: CM રૂપાણી
CMએ કહ્યું કે, આખા દેશમાં ગુજરાતે ફાયરને લઇ સિસ્ટમ તૈયાર કરી છે. ફાયર બ્રિગેડ આપણે ત્યાં સ્થાનિક સ્વરાજ્યની સંસ્થાઓ સંભાળે છે. આપણે ફાયરના સાધનો સરકારની ગ્રાન્ટથી આપીએ છીએ. ફાયરને લઇ આખી વ્યવસ્થા કરવાનું રાજ્ય સરકારે નક્કી કર્યું છે. રાજ્યભરમાં સ્ટાફને ટ્રેનિંગ અને સુવિધા અપાશે. ફાયર દુર્ઘટના નિયંત્રિત કરવા ખાસ નિયમો બનાવ્યા છે.
4 ઝોનમાં અધિકારીની નિયુક્તિ કરાશે
ગુજરાતમાં આગની ઘટનાને કાબૂમાં લેવા માટે ડાયરેક્ટર ઓફ ફાયરની જગ્યા ઊભી થઈ. 4 ઝોનમાં કામ કરશે. આ કચેરી, ફાયર સિસ્ટમ ચેક કરવાની સાથે આગની ઘટનાને નિયંત્રણમાં લેવા માટે કામ કરશે. આ કચેરી 26મી જાન્યુઆરીથી નવી સિસ્ટમ સાથે અમલી થશે. ફાયર NOCના ચેકિંગની જવાબદારી એન્જિનિયરોને અપાશે.
રાજ્યભરમાં સ્ટાફને ટ્રેનિંગ અને સુવિધા અપાશે
આગની દુર્ઘટના નિયંત્રિત કરવા ખાસ નિયમો બનાવ્યા છે. યુવાનોને આગની ઘટના રોકવા મામલે ટ્રેનિંગ આપવામાં આવશે. તાલીમ બાદ ફાયર સેફ્ટી ઓફિસર તરીકે ઇમ્પેનલ્ડ કરી પ્રેક્ટિસની મંજૂરી અપાશે. અગ્નિશામક માટેના સાધનો સરકાર સબસીડીથી આપે છે. NOC આપ્યા બાદ પણ સમયાંતરે ઈમારતોનું ચેકિંગ કરાશે. રાજ્યમાં નવા ફાયર NOC પણ હવે ઓનલાઇન મળશે. બિલ્ડીંગની ડિઝાઇન સમયે ફાયર સેફટી પ્લાન મંજૂર કરાવવો પડશે. નવી ઈમારતો માટે ફાયર સેફટી સર્ટિફિકેટ- NOC ત્રણ વર્ષ માટે માન્ય રહેશે. રેગ્યુલરાઇઝેશન બિલ્ડીંગના કિસ્સામાં બે વર્ષની મુદત માટે FIRE NOC માન્ય ગણાવશે.