ગુજરાતમાં આવતી કાલે ડોન્લ્ડ ટ્રમ્પ મહેમાન બનીને આવવાના છે ત્યારે ગુજરાત હરખ ઘેલુ થઈ ગયુ છે એવામાં સીએમ રૂપાણીને કાર્યક્રમમાંથી સાઈડ લાઈન કરાયા હોવાની અફવાને પગલે ખુદ મુખ્યમંત્રી વિજય રૂપાણીએ આ અંગે ચોખવટ કરી હતી અને જણાવ્યું હતુ કે, ગુજરાત સરકાર આ કાર્યક્રમની યજમાન છે અને ડોનાલ્ડ ટ્રમ્પને એરપોર્ટ પર રિસિવ કરવા હું જ જવાનો છું.
9 કિમીનો રોડ શો 2000 પોલીસ જવાન
રોડ શોમાં 48 સ્ટેજ તૈયાર કરાયા
શું કહ્યુ મુખ્યમંત્રીએ?
મુખ્યમંત્રી વિજય રૂપાણીએ ‘નમસ્તે ટ્રમ્પ’ કાર્યક્રમમાંથી તેમની બાદબાકી અંગે જણાવ્યું કે તેઓ ટ્રમ્પના સ્વાગત માટે અમદાવાદ એરપોર્ટ પર હાજર રહેશે. ટ્રમ્પને આવકારવા માટે યોજાયેલા રોડ-શોના યજમાન તેઓ પોતે અને ગુજરાત સરકાર છે. રૂપાણીએ કહ્યું કે ટ્રમ્પ અમેરિકાથી સીધા જ ગુજરાતની ધરતી પર આવીને ભારત પ્રવાસનો આરંભ કરવાના છે તે ઘટના સમગ્ર ગુજરાત માટે અત્યંત ગૌરવ રૂપ છે. અમેરિકા જેવા દેશના પ્રમુખ દિલ્હી ને બદલે સીધા અમદાવાદ આવે તે વાત ગુજરાતના વૈશ્વિક મહત્વને પ્રસ્થાપિત કરે છે.
રોડ શોમાં 48 સ્ટેજ તૈયાર કરાયા
અમેરિકાના રાષ્ટ્રપ્રમુખ ડોનાલ્ડ ટ્રમ્પ અને વડાપ્રધાન નરેન્દ્ર મોદીના અમદાવાદ એરપોર્ટથી મોટેરા સ્ટેડિયમ સુધીના રોડ શો દરમિયાન ભારતની વિવિધ સંસ્કૃતિની ઝાંખીને રજૂ કરતાં 28 જેટલા સ્ટેજ બનાવવાની સૂચના આપવામાં આવી હતી.
9 કિમીનો રોડ શો 2000 પોલીસ જવાન
એરપોર્ટથી મોટેરા સ્ટેડિયમ સુધીનું અંતર લગભગ 9 કિમી છે, જેમાંથી 4 કિમીનો વિસ્તાર ગાંધીનગર પોલીસ હેઠળ આવે છે. આ માટે એસઆરપી તેમજ અન્ય સિક્યુરિટી એજન્સીઓની સાથે સાત સુપ્રીટેન્ડન્ટ ઓફ પોલીસ અને 2000 જેટલા પોલીસ કર્મીઓ તૈનાત કરવામાં આવ્યા છે.
અમદાવાદના મેયરે આ પહેલા 22 કિમીના રોડ શોની જાહેરાત કરી હતી.
આ પહેલા, ડોનાલ્ડ ટ્રમ્પ અને નરેન્દ્ર મોદી 22 કિમી લાંબો રોડ શો કરશે તેવું શહેરના મેયર બિજલ પટેલે કહ્યું હતું.
શભરના 1800 જેટલા કલાકારો પર્ફોર્મન્સ આપશે
ટ્રમ્પ અને મોદીના રૂટ પર જે 28 સ્ટેજ બનાવવાના છે, ત્યાં દેશભરના 1800 જેટલા કલાકારો પર્ફોર્મન્સ આપશે. ડોનાલ્ડ ટ્રમ્પ સાબરમતી આશ્રમની મુલાકાત લેવાના છે કે નહીં તે હજુ નક્કી નથી તેમ છતાં આશ્રમ ખાતેની તૈયારીઓ અટકી નથી. આશ્રમ પાસે ખાસ ‘અમદાવાદી’ બર્ડ ફીડર ઉભું કરવામાં આવ્યું છે. આ સિવાય ત્રણ મીડિયા ટેન્ટ અને પરિસરમાં ‘ગ્રીન રૂમ’ પણ બનાવાયો છે.