સ્થાનિક સ્વરાજની ચૂંટણીઓ સમાપ્ત થયા બાદ સીએમ રૂપાણીએ ગઇકાલે અમદાવાદના ભાજપ કૉર્પોરેટરો સાથે બેઠક કરી હતી.
પ્રજા અને કાર્યકરો વચ્ચે રહીને કામ કરવા સૂચના
કોર્પોરેટર તરીકે સારૂ કામ કરશો તો આગળ વધશોઃ CM
કોન્ટ્રાકટર' ગીરીથી દુર રહી પ્રામાણિકતાથી કામ કરવા CMની ટકોર
ગઈકાલે ગાંધીનગરના ખાનગી ફાર્મમાં થઇ ડિનર બેઠક
CM રૂપાણીએ અમદાવાદના ભાજપના 160 કોર્પોરેટરો સાથે ગઈકાલે ખાનગી ફાર્મ હાઉસમાં ડિનર બેઠક કરી હતી. ભાજપના તમામ કોર્પોરેટરને મુખ્યમંત્રી દ્વારા પ્રજા અને કાર્યકરો વચ્ચે રહીને કામ કરવા માટે સૂચના આપવામાં આવી હતી તથા જનતાના મેન્ડેટનો આદર કરી પ્રજાલક્ષી કામ કરવા માટે સૂચના આપવામાં આવી હતી.
ધારાસભ્ય અને સાંસદ બનવાની પણ તક મળશેઃ CM
આ સિવાય મુખ્યમંત્રીએ કોર્પોરેટરોને જમીન પર રહીને કામ કરવા સૂચના આપી તથા કહ્યું કે કોર્પોરેટર તરીકે સારૂ કામ કરશો તો આગળ ધારાસભ્ય તથા સાંસદ બનવાની પણ તક પણ મળશે.
પોતે પણ કોર્પોરેટરમાંથી મુખ્યમંત્રી બન્યા હોવાનું આપ્યું ઉદાહરણ
ખાનગી ફાર્મ હાઉસમાં મળેલી આ બેઠકમાં સીએમ રૂપાણીએ કૉર્પોરેટરોને 'કોન્ટ્રાકટર' ગીરીથી દુર રહી પ્રામાણિકતાથી કામ કરવા ટકોર પણ કરી છે.
CMએ પોતે પણ કોર્પોરેટરમાંથી મુખ્યમંત્રી બન્યા હોવાનું ઉદાહરણ આપ્યું અને કૉર્પોરેટરોને સમજાવ્યું કે તે કામ કરશે આગળ ઘણી તક મળશે. CMએ સમજાવ્યું કે લાંબી રાજકીય કારકિર્દી માટે પ્રામાણિકતા જરૂરી અને કોર્પોરેટર તરીકે સારૂ કામ કરશો તો આગળ વધશો.