CM રૂપાણીના અધ્યક્ષ સ્થાને કેબિનેટ બેઠક વાઇબ્રન્ટ ગુજરાતને લઇને ચર્ચા

ગાંધીનગર: આજે મુખ્યમંત્રી વિજય રૂપાણીના અધ્યક્ષ સ્થાને ગાંધીનગરમાં કેબિનેટની બેઠક યોજાશે. આ બેઠકમાં આગામી વાઈબ્રન્ટ સમિટને લઈને પદાધિકારીઓ અને મંત્રીઓ સાથે ચર્ચા કરવામાં આવશે. વાઈબ્રન્ટ ગુજરાત સમિટને લઈને મુખ્યમંત્રીએ અલગ-અલગ શહેરોમાં રોડ શો પણ કર્યા હતા.

ત્યારે સમિટિમાં કોને કોને આમંત્રણ આપવા અને સમિટની તૈયારીઓ બાબતે ચર્ચા વિચારણા કરવામાં આવશે. આ સિવાય પણ મગફળીની ખરીદી બાબતે સમીક્ષા થશે.

સાથે જ અછતગ્રસ્ત તાલુકાઓને જાહેર કરાયેલ પેકેજ સંદર્ભે પણ સમીક્ષા થશે. આ સાથે જ વિવિધ યોજનાઓ અને આગામી આયોજનો પર પણ સમીક્ષા થશે.

દર બુધવારે યોજાય છે બેઠક 

ઉલ્લેખનીય છે કે દરેક માસના બુધવારે ગુજરાત સરકાર અને કેન્દ્ર સરકારની એક કેબિનેટ બેઠકનું આયોજન કરવામાં આવતું હોય છે. જેના અધ્યક્ષ સ્થાને રાજ્યના મુખ્યમંત્રી અને કેન્દ્ર કક્ષાએ વડાપ્રધાન હોય છે. ત્યારે આજરોજ ગાંધીનગરના સ્વર્ણિમ સંકુલ ખાતે યોજાનાર રૂપાણી સરકારની કેબિનેટ બેઠકમાં વિવિધ મુદ્દે ચર્ચા કરવામાં આવશે.