પતંગોત્સવ / CMએ અમદાવાદ બાદ રાજકોટમાં ઉત્તરાયણ મનાવી, કહ્યું- અમે પતંગ કાપવામાં નહીં ઉડાવવામાં માનીએ છીએ

• પતંગ ચગાવીને મુખ્યમંત્રીએ જનતાને શુભકામના પાઠવી હતી
• અમદાવાદમાં જનતાની વચ્ચે જઈને પતંગ ચગાવી
• રાજકોટમાં મુખ્યમંત્રીએ CAA ના સમર્થન વાળી પતંગ ઉડાવી

રાજ્યભરમાં ઉત્તરાયણની ઉજવણી કરવામાં આવી રહી છે. ઉતરાયણના પર્વે સેલિબ્રિટીથી માંડીને રાજનેતા પણ પતંગોત્સવની મોજ માણી રહ્યાં છે. ત્યારે મુખ્યમંત્રી વિજય રૂપાણીએ પહેલા અમદાવાદના પાલડીમાં બિજલ પટેલના નિવાસસ્થાને ઉત્તરાયણની ઉજવણી કરી. આ દરમિયાન અનેક લોકોને મુખ્યમંત્રી મળ્યા હતા. સાથે જ પતંગને પેચ પણ લગાવ્યા હતા. મુખ્યમંત્રી વિજય રૂપાણીએ અમદાવાદ બાદ રાજકોટમાં પણ ડર્ટી ડઝન ગ્રૂપ સાથે  ઉતરાયણ મનાવી હતી. તેઓ દર વર્ષે તેમના મિત્રો સાથે રાજકોટમાં ઉતરાયણ મનાવે છે. આ વર્ષે CAA ના સમર્થન વાળી પતંગ ઉડાવીને પ્રતીકાત્મક સમર્થન સાથે ગ્રૂપ ડર્ટી ડઝન સાથે તેઓ પત્ની અંજલી સાથે પતંગોત્સવ મનાવ્યો હતો.

અમે કાપવામાં નહીં પણ પતંગ ઉડાવવામાં માનીએ છીએઃ રૂપાણી

મુખ્યમંત્રી વિજય રૂપાણીએ પતંગ ચગાવ્યા બાદ જનતાને શુભેચ્છા પાઠવી હતી. સાથે જ CAAને સમર્થન આપવા લોકો પતંગ અને પ્લેકાર્ડથી ઉજવણી કરી રહ્યા છે. સાથે જ CM રૂપાણીએ કટાક્ષ કરતાં કહ્યું કે અમે કાપવામાં નહીં પણ પતંગ ઉડાવવામાં માનીએ છીએ. પતંગ એટલે કાર્યકર્તા અને ઉમેદવાર છે. દોરી એટલે સંગઠન છે. સારી પતંગ, સારો દોરો મળીને આ વર્ષે ઉંચી પતંગ ઉડાવી રહ્યા છીએ. આગામી સ્થાનિક સ્વરાજની ચૂંટણીમાં ભાજપ વિજયી થશે. તો બીજી તરફ અમદાવાદના મેયર બિજલ પટેલે પણ જનતાને ઉત્તરાયણની શુભેચ્છા પાઠવી હતી.

રાજકોટમાં મુખ્યમંત્રીએ CAAના સમર્થનવાળી પતંગ ઉડાવી, કહ્યું...

પતંગ ઈન્ડટ્રીઝ મોટી ઈન્ડસ્ટ્રીઝ છે. મકરસંક્રાતિ પ્રકૃતિનો તહેવાર છે. ગુજરાત વિકાસ સાથે જોડાયેલે છે. પતંગોત્સવ નવી ઉંચાઈ પ્રાપ્ત કરવા પ્રેરણા આપે છે. કોલેજ કાળથી મિત્રો સાથે પતંગોત્સવ ઉજવુ છું. 36 વર્ષથી સતત મિત્રો સાથે પતંગોત્સવ ઉજવુ છું.

નેતાઓએ ચગાવી પતંગ

તો બીજી તરફ જીતુ વાઘાણીએ ગોદરેજ સિટીમાં ભાજપના આગેવાન સાથે પતંગ ઉડાવી હતી. વડોદરામાં નાગરિકતા સંશોધન કાયદાના સમર્થનમાં ભાજપના કાર્યકરોએ પતંગ ચગાવ્યા. સાંસદ રંજન બેન ભટ્ટના ઘરે ધાબા પર ભાજપના કાર્યકરો ઉમટ્યા હતા. આ દરમિયાન સાંસદ અને કાર્યકરોએ મળીને CAAના સમર્થનમાં પતંગ ચગાવ્યા હતા.