મુખ્યમંત્રી વિજય રૂપાણીના દાહોદના કાર્યક્રમમાં બાળકોની હાજરી માટે થઈને બાળકોને જીવના જોખમે લઈ જવામાં આવ્યા હોવાનો વીડિયો સોશિયલ મીડિયામાં વાઈરલ થઈ રહ્યો છે. ખુલ્લી જીપમાં બાળકો નજરે પડી રહ્યા છે. આ લોકોને ન કોઈ ટ્રાફિક રૂલ્સ નડ્યા ન કોઈ પોલીસે રોક્યા. આવુ કેમ?
CM રૂપાણીના કાર્યક્રમમાં બાળકોને જીવના જોખમે લઈ જવાયા
ઝાલોદના CM રૂપાણીના કાર્યક્રમમાં જીવના જોખમે બાળકોને સવારી કરાવાઈ હતી. જીપ પર બેસાડીને, બસમાં અંદર મોટી સંખ્યામાં બાળકોને બેસાડવામાં આવ્યા હતા. વરોડ ટોલનાકા પરથી ગાડીઓ પસાર થઈ હતી. જ્યાં પોલીસ હાજર હતી આ ઘટના કેમેરામાં કેદ થઈ ગઈ હતી.
જીપ અને બસમાં પ્રમાણ કરતા વધુ બાળકો બેસાડવામાં આવ્યા હતા અને પોલીસ પણ જોતી રહી હતી તેમ છતા પોલીસ દ્વારા કોઈ કાર્યવાહી કરવામાં આવી ન હતી. ત્યારે પોલીસની કાર્યવાહી ઉપર પણ સવાલ ઉઠી રહ્યા હતા.