ગાંધીનગર / ગુજરાતનાં કોરોનાગ્રસ્ત દર્દીઓ સાથે CM વિજય રૂપાણીએ કરી વાતચીત, પૂછ્યું- કેમ છો

• CM ડેશબોર્ડના કમાન્ડ કંટ્રોલથી કર્યો સંવાદ
• દર્દીઓ સાથે CM રૂપાણીએ પ્રત્યક્ષ વીડિયો સંવાદ કર્યો
• સ્વસ્થ થયા બાદ પણ કાળજી રાખવા સલાહ

મુખ્યમંત્રી વિજય રૂપાણીની અનોખી સંવેદના CM ડેશ બોર્ડના કમાંડ કંટ્રોલ સેન્ટર પરથી રાજ્યના મહાનગરોના કોરોના અસરગ્રસ્ત દર્દીઓ સાથે પ્રત્યક્ષ વીડિયો સંવાદ કરીને સારવાર અંગે તેમજ સુવિધાઓની જાત માહિતી મેળવી હતી. સારવાર લઈ રહેલા વ્યક્તિઓને જલ્દી સ્વસ્થ થઈ જવાની શુભેચ્છાઓ આપી હતી.

વિજય રૂપાણીએ કહ્યું કે સરકાર તેમની સારવારની ચિંતા કરે છે. સારવાર લઈ રહેલા સૌને રિકવરી બાદ પણ થોડા દિવસ તકેદારી રૂપે સેલ્ફ આઇસોલેશન અને પરિવારજનોએ પણ કવોરેન્ટન રહેવા સલાહ આપી હતી. વિજય રૂપાણીએ આ દર્દીઓની સારવાર કરી રહેલા તબીબો સાથે પણ વ્યક્તિગત વાતચીત કરીને તેમને આ સેવાકાર્ય માટે અભિનંદન પાઠવ્યા હતાં. આ કપરા સમયમાં જાન જોખમે પણ સેવા બજાવી રહેલા સૌ તબીબોને તેમણે ઈશ્વરીયરૂપ ગણાવ્યા હતા.

તેમણે જે તે હોસ્પિટલમાં ઉપલબ્ધ દવાઓ સારવાર સગવડોની પણ વિગતો આ તબીબો પાસેથી મેળવી હતી. વિજય રૂપાણીએ પ્રત્યેક દર્દીઓની પારિવારિક વિગતો જાણી હતી. મુખ્યમંત્રીના આ કોમનમેન તરીકે ખબર અંતર પૂછવાના અભિગમથી સારવારગ્રસ્ત સૌ ભાવવિભોર થયા હતા. 

વિજય રૂપાણીએ આ સૌ અસરગ્રસ્તોની સારવારની સમગ્ર ચિંતા સરકાર અને સમાજ કરી રહ્યા છે તેની પણ વિગતો પોતાની વાતચીતમાં આપી હતી.