ગુજરાતમાં કોરોના બેકાબૂ છે ત્યારે મુખ્યમંત્રી કાર્યલાયમાં પણ કોરોનાએ દસ્તક દીધા છે. CMO ઓફિસમાં એક કર્મચારીનો કોરોના રિપોર્ટ પોઝિટિવ આવ્યો છે.
મુખ્યમંત્રી કાર્યાલય સુધી પહોંચ્યો કોરોના
એજન્સી અંતર્ગત કામ કરતો કર્મચારી કોરોના સંક્રમિત
મુખ્યમંત્રી કાર્યાલયમાં સામે આવ્યો કોરોના સંક્રમિત કેસ
ગાંધીનગરમાં CMO ઓફિસમાં કોરોનાની દસ્તક થઈ ગઈ છે. સ્વર્ણિમ સંકુલ-1 સ્થિત મુખ્યમંત્રી કાર્યાલયમાં એક કર્મચારીનો કોરોના રિપોર્ટ પોઝિટિવ આવ્યો છે. એજન્સી અંતર્ગત કામ કરતો કર્મચારી કોરોના સંક્રમિત થયો છે. જો કે, મુખ્યમંત્રી કાર્યાલયમાં કામ કરતા અન્ય લોકો માટે રાહતના સમાચાર એ છે કે, કોરોનાગ્રસ્ત બનેલો આ કર્મચારી છેલ્લા ચાર-પાંચ દિવસથી ઓફિસે આવતો ન હતો. જેથી બીજાને ચેપ લાગવાની શક્યતા નહીવત છે.
અગાઉ મંત્રીની ઓફિસમાં આવ્યો હતો કેસ
ઉલ્લેખનીય છે કે, 15 દિવસ પહેલા સ્વર્ણિમ સંકુલ-2માં મંત્રી જયદ્રથસિંહ પરમારની કચેરીના ક્લાર્ક ભરતસિંહ ડાભીનો કોરોના રિપોર્ટ પોઝિટિવ આવ્યો હતો. બાદમાં મંત્રીની ઓફિસના તમામ કર્મીઓને હોમ ક્વૉરન્ટીન કરી દેવામાં આવ્યા હતા.
જો કે આરોગ્યમંત્રી કુમાર કાનાણીનો પરિવાર પણ કોરોનાની ઝપેટમાં
રાજ્યના આરોગ્યમંત્રી કુમાર કાનાણીના પુત્રવધુ અને પૌત્રનો પણ કોરોના રિપોર્ટ પોઝિટિવ આવ્યો હતો. પણ તે સુરતમાં તેમને ઘર સાથે આવ્યો હતો.