મુખ્યમંત્રી વિજય રૂપાણીએ બનાસકાંઠાના નડાબેટ બોર્ડર પર જવાનો સાથે દિવાળીની ઉજવણી કરી છે. આ ઉપરાંત વિજય રૂપાણીએ ગુજરાતવાસીઓ અને દેશમાં રહેતા ગુજરાતીઓને દિવાળીની શુભેચ્છા પાઠવી છે.
દેશની સીમાને સાચવતા સુરક્ષા જવાનો વચ્ચે CM રૂપાણીએ દિવાળીની ઉજવણી કરી છે. પારિવારીક ભાવથી સીએમ રૂપાણીએ જવાનો સાથે પર્વની ઉજવણી કરી છે. મુખ્યમંત્રી વિજય રૂપાણીને ગાર્ડ ઓફ ઓનર આપીને દિવાળીની ઉજવણી કરવામાં આવી. જવાનો સાથે સીએમ રૂપાણીએ નડેશ્વર માતાના દર્શન પણ કર્યા હતા.
નોંધનીય છે કે આજે સમગ્ર દેશ દિવાળીની ધામઘૂમથી ઊજવણી કરી રહ્યો છે. ત્યારે જવાનો પોતાના પરિવારથી દૂર રહીને સરહદ પર પોતાની ફરજ બજાવી રહ્યા છે.