ગાંધીનગર / મોટર વ્હીકલ એક્ટને લઇ CM રૂપાણી આજે કરશે મહત્વની જાહેરાત, દંડમાં થશે ફેરફાર!

મોટર વ્હીકલ એક્ટને લઇ મુખ્યમંત્રી વિજય રૂપાણી આજે સાંજે 4.00 વાગ્યે જાહેરાત કરશે. મુખ્યમંત્રી રૂપાણી પ્રેસ કોન્ફરન્સ દ્વારા નવા નિયમોની જાહેરાત કરશે. જેમાં રાજ્યની સત્તા હેઠળ આવતા દંડની જોગવાઇમાં ફેરફાર કરાશે. આ જોગવાઈમાં સરકાર માઈનોર દંડમાં ફેરફાર કરી શકે છે. કલમ-200 હેઠળ રાજ્ય સરકાર ફેરફાર કરી શકે છે. સીટ બેલ્ટ, હેલ્મેટ અને અડચણરૂપ પાર્કિંગના દંડમાં ફેરફાર થશે. તો દંડની વસૂલાત માટે અધિકારીઓને જવાબદારી સોંપાઇ શકે છે. જ્યારે મોટા ગુનામાં કેન્દ્ર સરકારના નિમય પ્રમાણે કાર્યવાહી થશે.

ત્યારે નવો કાયદો લાગુ કરવાને લઇ સીએમ રૂપાણીએ કહ્યું કે, વાહનોના અકસ્માત ઓછા થાય તે માટે કડક વ્યવસ્થા પણ જરૂરી છે. પરંતુ પ્રજાને હાલાકી ન થાય તેનું પણ ખાસ ધ્યાન રખાશે.

CM રૂપાણીને નવા મોટર વ્હીકલ એક્ટ અંગે કરાયા હતા અવગત

મોટર વ્હીકલ એક્ટ શુક્રવારે યોજાયેલી બેઠકમાં ટ્રાફિકના નવા એક્ટ પર ચર્ચા કરાઇ હતી. સીએમ રૂપાણીને પ્રેઝન્ટેશન કરીને એક્ટ અંગે અવગત કરાવ્યા હતા. ઉપરાંત બેઠકમાં અન્ય રાજ્યોના વલણ પર પણ ચર્ચા કરવામાં આવી હતી. જૂના અને નવા કાયદા મુજબ દંડ પર પણ વિચારણા થઇ જેમાં નવા કાયદા અંગે લોકોના પ્રતિભાવો પણ ચર્ચાયા હતા. જો કે નવો નિયમ લાગૂ કરવા કે નહીં તે અંગ કોઇ નિર્ણય નથી લેવાયો.

મોટા ગુનામાં કેન્દ્ર સરકારના નિમય પ્રમાણે કાર્યવાહી

કેન્દ્ર દ્વારા ટ્રાફિકના નયા નિયમો જાહેર કરાયા છે. ટ્રાફિક દંડ મુદ્દે મ સૂત્રો પાસેથી મળતી માહિતી મુજબ ગુજરાતમાં કેન્દ્રના મોટાભાગના ટ્રાફિક દંડ યથાવત્ રહેશે. ટ્રાફિકના ભંગ બદલ રાજ્યમાં ભારે દંડ લેવાશે. ગુજરાત સરકાર કેન્દ્રીય કાયદામાં થોડા ફેરફારો કરી શકે છે. કોર્ટ માંડવાળમાં જ સરકાર હસ્તક્ષેપ કરશે. કેન્દ્રના ટ્રાફિક ભંગના નિયમ થોડા સમયમાં રાજ્યમાં લાગૂ થાય તેવી શક્યતા છે.

મોટર વ્હીકલ એક્ટઃ જાણો કેન્દ્ર સરકારના શું છે નવા કાયદા અને દંડ ?

હેલ્મેટ પહેર્યા વગર વાહન ચલાવવા

જો તમે હેલ્મેટ પહેર્યા વગર વાહન ચલાવો છો તો સાવધાન થઇ જજો. હેલ્મેટ વગર વાહન ચલાવવા પર એક હજાર રૂપિયાનો દંડ તથા 3 મહિના સુધી લાયસન્સ સસ્પેન્સ થઇ જશે. 

વીમા પોલિસી વગર વાહન ચલાવવા પર

જો તમે વીમા પોલિસી વગર વાહન ચલાવો છો તો તમને બે હજાર રૂપિયા સુધીનો દંડ ફટકારવામાં આવશે. 

લાયસન્સ વગર વાહન ચલાવવું

તમે વ્હીકલ ચલાવો છો અને તમારી પાસે લાયસન્સ નથી તો તમને પાંચ હજાર રૂપિયા સુધીનો દંડ ફટકારવામાં આવી શકે છે. 

અધિકારીઓના આદેશનું પાલન ના કરવા પર

અધિકારીઓના આદેશનું પાલન તમે નથી કરતાં તો પહેલા 500 રૂપિયાનો દંડ ફટકારવામાં આવતો હતો પરંતુ હવે તે વધારીને 2 હજાર કરી દેવામાં આવ્યો છે. 

સીલ્ટ બેલ્ટ અને ઓવર સ્પીડ પર પણ વધ્યો દંડ

સીટ બેલ્ટ પહેર્યા વગર ચલાવવા પર 100 રૂપિયાની જગ્યાએ 1000 આપવો પડશે. આ ઉપરાંત નક્કી સીમાથી વધારે સ્પીડથી ચલાવવા પર 400ની જગ્યાએ 1000 થી 2000 રૂપિયા સુધીનો દંડ આપવો પડશે. 

કેબ કંપનીઓ નિયમોનું ઉલ્લંઘન કરશે તો 

ઓલા, ઉબર જેવા ગ્રુપ ડ્રાઇવિંગ લાયસન્સના નિયમોનું ઉલ્લંઘન કરવા પર એક લાખ રૂપિયાનો દંડ થશે. 

ઇન્સ્યોરન્સ વગર વાહન ચલાવવા પર દંડ

જો વાહનનું ઇન્સ્યોરન્સ પૂર્ણ થયું હોય અને કોઇ ડ્રાઇવિંગ કરતા પકડાશો તો 2000નો દંડ લાગશે.

હિટ એન્ડ રન કેસમાં વળતર

નવા કાયદા અનુસાર હિટ એન્ડ રન કેસમાં મૃત્યુ પર 2 લાખ રૂપિયાનું વળતર આપવામાં આવશે. ઇજાગ્રસ્તને 50 હજાર રૂપિયાનું વળતર આપવામાં આવશે.

આ ઉપરાંત અનઑથોરાઇજ્ડ વાહનનો ઉપયોગ કરવા પર પાંચ હજાર રૂપિયા સુધીનો દંડ ફટકારાશે. જ્યારે ઇમરજન્સી વાહનોને રોકવા અને તેને રસ્તો ન આપવા પર 10 હજાર રૂપિયાનો દંડ લગાશે.