યોજના / ગાંધીનગરમાં સીએમ રૂપાણીએ કરી ખેડૂતો માટે મોટી જાહેરાત, નર્મદાનો પણ કર્યો ઉલ્લેખ

ખેડૂતો માટે મોટી જાહેરાત કરતા સીએમ વિજય રૂપાણીએ કહ્યું કે હવેથી એક પણ ખેડૂત વીજ કનેક્શન વિના નહીં રહે. સાથે જ મગફળી અને કપાસની ખરીદી સરકાર ટેકાના ભાવે કરશે. ટેક્નોલોજીનો ઉપયોગ કરીને નવી દિશાને સાથે રાખીને ખેડૂત આગળ વધે તે માટે એક્ઝીબિશનની શરૂઆત કરવામાં આવી છે. 

સીએમ રૂપાણીએ કહ્યું કે નર્મદા ડેમ 138 મીટર ભરવાનો છે. 5 મિલિયન એકર પાણીનો પ્રથમવાર ગુજરાતની ધરતી પર સંગ્રહ કરવામાં આવી રહ્યો છે.  સાથે જ સુજલામ સુફલામ યોજના સાથે 450 તળાવને પણ જોડવામાં આવ્યા છે. આ યોજનામાં સૌરાષ્ટ્ર અને કચ્છના ડેમ પણ પાણીથી ભરી દેવામાં આવ્યા છે. હાલમાં નર્મદાનું પાણી છેવાડા સુધી પહોંચ્યું છે અને અનેક ખેડૂતોને તેનાથી રાહત પહોંચી છે.