પેગાસસ ફોન ટેપિંગ / CM નીતિશ કુમાર કંઈક મોટું કરવાની તૈયારીમાં, પેગાસસ જાસૂસીને લઈને બોલ્યાં એવું કે મોદી સરકારને નહીં ગમે

• પેગાસસ મામલાની તપાસની વિપક્ષને માગને નીતિશ કુમારનો સાથ મળ્યો
• સીએમ નીતિશ કુમારે પેગાસસ જાસૂસી કેસની તપાસની માગ કરી
• મોદી સરકારે હજુ સુધી સંસદમાં ચર્ચા કરી નથી કે તપાસની વાત પણ કરી નથી
• પેગાસસ દ્વારા નેતાઓ, મંત્રીઓ, અધિકારીઓ અને વિપક્ષી નેતાઓની જાસૂસી થઈ હતી 

નીતિશ કુમારે કહ્યું કે ઘણા દિવસોથી ફોન ટેપિંગની વાતો ચાલી રહી છે તો તેની પર ચર્ચા થવી જોઈએ. પરંતુ મારી સમજ પ્રમાણે તો આ કેસની તપાસ થવી જોઈએ. 

તપાસના જે પરિણામો આવે તેને જાહેર કરવા જોઈએ

નીતિશ કુમારે એવું પણ જણાવ્યું કે ઘણા દિવસોથી ટેલિફોન ટેપિંગની વાતો ચાલી રહી છે. સંસદમાં આ મુદ્દો પણ ઉઠાવવામાં આવ્યો છે અને મીડિયા પણ નવા રિપોર્ટ આવી રહ્યાં છે. તેથી નિશ્ચિત રીતે તેની ચર્ચા થવી જોઈએ અને તેની તપાસ પણ થવી જોઈએ અને તપાસના જે પરિણામો આવે તેને જાહેર કરવા જોઈએ. 

નીતિશ કુમારે કહ્યું કે પેગાસસ દ્વારા કેવી રીતે જાસૂસી થઈ તેની કોઈને ખબર નથી તેથી મને લાગે છે કે  આ આખી ઘટનાની તપાસ થવી જોઈએ. 

ગુરુવારે, સુપ્રીમમાં પેગાસસ કેસની સુનાવણી 

ગુરુવારે, સુપ્રીમ કોર્ટ પેગાસસ કૌભાંડની વિશેષ તપાસની માંગ કરતી અરજીઓની સુનાવણી કરશે. અરજદારોમાં વરિષ્ઠ પત્રકારો એન રામ અને શશી કુમાર, સીપીએમના સાંસદ જ્હોન બ્રિટાસ અને એડવોકેટ એમએલ શર્માનો સમાવેશ થાય છે. અરજીઓમાં માંગ કરવામાં આવી છે કે કોર્ટ સરકારને જાહેર કરે કે શું તેણે સ્પાયવેર માટે લાયસન્સ મેળવ્યું છે કે તેનો ઉપયોગ કર્યો છે - પ્રત્યક્ષ કે પરોક્ષ રીતે - કોઈપણ પ્રકારની દેખરેખ રાખવા માટે. ઉલ્લેખનીય છે કે સંભવિત લક્ષ્યોની કથિત યાદીમાં કોંગ્રેસના નેતા રાહુલ ગાંધી, ચૂંટણી વ્યૂહરચનાકાર પ્રશાંત કિશોર, બે સેવા આપતા કેન્દ્રીય મંત્રીઓ, એક પૂર્વ ચૂંટણી કમિશનર અને 40 પત્રકારો હતા. ભારતમાં 142 થી વધુ લોકો કથિત યાદીમાં હતા.