નાલંદામાં બિહારના મુખ્યમંત્રી નીતિશ કુમારની જાહેરાસભા પાસે બોમ્બ ફુટ્યો હતો.
બિહારના સીએમ નીતિશ કુમારની સુરક્ષામાં મોટી ચૂક
કાર્યક્રમના સ્થળ પર થયો બ્લાસ્ટ
મુખ્યમંત્રીની નજીકમાં જ ફુટ્યો બોમ્બ
નાલંદામાં બિહારના મુખ્યમંત્રી નીતિશ કુમારની જાહેરાસભા પાસે બોમ્બ ફુટ્યો હતો. આ ઘટનાને લઈને પોલીસે એક શખ્સની ધરપકડ પણ કરી છે. આપને જણાવી દઈએ કે, મુખ્યમંત્રી નીતિશ કુમારના કાર્યક્રમથી ફક્ત 15થી 18 ફૂટ અંતરે જ આ ધડાકો થયો હતો.
Bihar | A bomb was hurled near Bihar Chief Minister Nitish Kumar's 'Jansabha' site in Nalanda. More details awaited.
એક સમાચાર એવા પણ આવી રહ્યા છે કે, આ કોઈ બોમ્બ ફેંકવાની ઘટના નહોતી બની, પણ યુવકે ફટાકડો ફોડ્યો હતો. રિપોર્ટ્સમાં જણાવ્યા અનુસાર મુખ્યમંત્રી નીતિશ કુમાર નાલંદામાં હાઈસ્કૂલ સિલાવ પાસે આયોજીત એક કાર્યક્રમમાં ભાગ લેવા પહોંચ્યા હતા. જ્યાં મંચની પાછળ એક શખ્સે ફટાકડો ફોડ્યો હતો. પોલીસે આ યુવકની હાલમાં ધરપકડ કરી લીધી છે.
પ્રત્યક્ષદર્શીઓના જણાવ્યા અનુસાર આરોપીએ કોઈ વિસ્ફોટક પદાર્થમાં માચિસ ફેંકીને આ ધમાકાને અંજામ આપ્યો હતો. શરૂઆતની જાણકારીના આધારે આ વિસ્ફોટ પદાર્થને એક ફટાકડો હોવાનું કહેવા છે. પોલીસે આરોપી યુવક પાસેથી ફટાકડો અને માચિસની સળીઓ પર જપ્ત કરી છે. હાલમાં પોલી આરોપી પાસેથી પૂછપરછ કરી રહી છે.
નીતિશ કુમારની નજીકમાં ફુટ્યો બોમ્બ
આ ઘટના વિશે એક શખ્સે જણાવ્યું હતું કે, મુખ્યમંત્રી શરૂઆતમાં જનતાનું અભિવાદન ઝીલી રહ્યા હતા. ત્યારે જ એક બાળક કે જેની ઉંમર 18 વર્ષની આસપાસ હશે, તેણે કોઈ ફટાકડો દબાવીને રાખ્યો હતો, અને જેવા સીએમ આવે છે કે તેણે તે તરફ ફેંક્યો. બસ પછી તો શું જેવો ફટાકડો ફુટ્યો કે, લોકો ભાગવા લાગ્યા. જમીન પર અફરાતફરી મચી ગઈ. આ સીએમની સુરક્ષામાં મોટી ચૂક છે.
અગાઉ પટનામાં થયો હતો હુમલો
આમ જોવા જઈએ તો, આ ઘટનાને લઈને પ્રશાસનની ચિંતા એટલા માટે વધી ગઈ છે, કારણ કે થોડા દિવસ પહેલા પટનામાં સીએમ નીતિશ કુમારની સુરક્ષામાં મોટી ચૂક સામે આવી હતી. ત્યારે પટનાના બખ્તિયારપુરમાં એક યુવકે સીએમ નીતિશ કુમાર પર હુમલો કર્યો હતો. બાદમાં વાત સામે આવી હતી કે, આ યુવક માનસિક રીતે બિમાર હતો. જો કે, નાલંદામાં આજના કાર્યક્રમમાં ફરી એક વાર મોટી ચૂક સામે આવી છે.