પશ્ચિમ બંગાળનાં મુખ્યમંત્રી મમતા બેનર્જીએ ફિલ્મ 'ધ કેરલા સ્ટોરી'ને રાજ્યમાં બેન કરવાનો નિર્ણય લીધો છે. બેનર્જીએ રાજ્યનાં ચીફ સેક્રેટરીને આદેશ આપ્યો છે કે આ ફિલ્મને થિયેટરો પરથી હટાવવામાં આવે.
પશ્ચિમ બંગાળમાં The Kerala Story પર લાગશે પ્રતિબંધ
CM મમતા બેનર્જીએ ચીફ સેક્રેટરીને આપ્યો છે આદેશ
'કેરળનાં લોકોની માનહાનિ કરી રહ્યાં છે' - મમતા બેનર્જી
રાજ્યમાં શાંતિ જાળવવાનાં ઉદેશ્યથી ફિલ્મ પર પ્રતિબંધ
પશ્ચિમ બંગાળની મુખ્યમંત્રી મમતા બેનર્જીએ ફિલ્મ 'ધ કેરેલા સ્ટોરી'ને પ્રતિબંધિત કરવાનો નિર્ણય લીધો છે. મમતાએ રાજ્યનાં મુખ્ય સચિવને આદેશ આપ્યો છે કે બંગાળનાં થિયેટર્સ પરથી આ ફિલ્મને હટાવવામાં આવે.કહેવામાં આવી રહ્યું છે કે આ નિર્ણય બંગાળમાં શાંતિ જાળવી રાખવા માટે લેવામાં આવ્યો છે જેથી શહેરમાં હિંસા અને ક્રાઈમનું વાતાવરણ ન ફેલાય.
Bengal govt bans controversial movie, ‘The Kerala Story’: official
બંગાળ ફાઈલ્સ બનાવવા ફિલ્મમેકર્સને અપાઈ રહ્યાં છે પૈસા- મમતા
મમતા બેનર્જીએ ભાજપ પર મોટો આરોપ પણ મૂક્યો છે. તેમણે કહ્યું કે ભાજપની સરકાર બનાવટી અને ખોટી સ્ટોરીવાળી બંગાળ ફાઈલ્સ ફિલ્મ બનાવવા માટે ફિલ્મકારોને પૈસા આપી રહી છે. તેમણે આરોપ લગાવ્યો છે કે ભાજપ, ' The Kerala Story' નામની ફિલ્મ દેખાડી રહી છે જેની સ્ટોરી બનાવટી છે. થોડાં દિવસો પહેલાં ભાજપનાં મોકલેલા એકટર્સ બંગાળ આવ્યાં હતાં અને તે બનાવટી સ્ટોરીવાળી ફિલ્મ બંગાળ ફાઈલ્સ તૈયાર કરી રહ્યાં છે.
'કેરળનાં લોકોની માનહાનિ કરી રહ્યાં છે'
મમતાએ આગળ જણાવ્યું કે આ લોકો કેરળ અને ત્યાંનાં લોકોની માનહાનિ કરી રહ્યાં છે. એ રોજ બંગાળનાં માનને નુક્સાન પહોંચાડે છે. ભાજપ શા માટે સામુદાયિક મુશ્કેલીઓ ઊભી કરે છે? આ બધું કરવું શું રાજનૈતિક પાર્ટીનું કામ છે? તેમને આવું કરવાનો હક કોણે આપ્યો?
તમિલનાડુમાં પણ બાયકૉટ કરવામાં આવી આ ફિલ્મ
પશ્ચિમ બંગાળથી પહેલા ફિલ્મ The Kerala Storyને તમિલનાડુમાં બાયકૉટ કરવામાં આવ્યું. તમિલનાડુની મલ્ટીપ્લેક્સ એસોસિએશને થિયેટર્સમાં ફિલ્મ દેખાડવાની મનાઈ કરી હતી. જાણકારી અનુસાર તમિલનાડુ મલ્ટીપ્લેક્સ એસોસિએશને એલાન કર્યો હતો કે રવિવારથી સમગ્ર રાજ્યમાં આ ફિલ્મની સ્ક્રીનિંગ રોકી દેવામાં આવશે. કારણ જણાવતાં એસોસિએશને કહ્યું કે આ ફિલ્મ 'લો એન્ડ ઓર્ડર' માટે ખતરનાક સાબિત થઈ શકે છે. સાથે જ કહેવામાં આવ્યું કે જનરલ પબ્લિકથી આ ફિલ્મને મળેલો ઠંડો રિસ્પોન્સ પણ આ નિર્ણય પાછળનું એક કારણ છે.