મહામારી / પેગાસસ કાંડથી CM મમતા ડર્યાં, જાસૂસીથી બચવા જુઓ શું કર્યું, મોદી સરકાર પર પ્રહાર કરતા કર્યો મોટો ખુલાસો

• પેગાસસ જાસૂસી કાંડ પર સીએમ મમતા બેનરજીના કેન્દ્ર પર આકરા પ્રહાર 
• મેં મારો ફોનના કેમેરાને કવર કરી લીધો છે- મમતા બેનરજી 
• અમારા ફોન ટેપ કરાઈ રહ્યાં છે, મિત્ર સીએમ સાથે વાત પણ કરી શકતા નથી

મમતા બેનરજીએ બુધવારે જણાવ્યું કે મેં મારો ફોનના કેમેરાને કવર કરી લીધો છે. જેથી હેકિંગ દ્વારા જાસૂસી ન થઈ શકે. બેનરજીએ એવું પણ જણાવ્યું કે અમારા ફોન ટેપ કરાઈ રહ્યાં છે.  બંગાળના સીએમે કહ્યું કે અમે પેગાસસથી ડરનાર નથી. હું કોઈની પણ સાથે વાત કરી શકતી નથી.

મમતાએ જણાવ્યું કે તમે જાસૂસી માટે ઘણા પૈસા ખર્ચી રહ્યાં છો. મેં તેનાથી બચવા માટે મારો ફોન કવર કરી રાખ્યો છે. 

બેનરજીએ કહ્યું કે જેવી રીતે મેં મારો ફોનને કવરથી ઢાંકી દીધો છે

બેનરજીએ કહ્યું કે જેવી રીતે મેં મારો ફોનને કવરથી ઢાંકી દીધો છે. તેવી રીતે આપણે કેન્દ્ર સરકારને પણ ઢાંકી દેવાની છે, અન્યથા દેશ બર્બાદ થઈ જશે. મમતાએ કહ્યું કે કેન્દ્ર સરકારે ઈઝરાઈલી સ્પાઈવેર દ્વારા લોકોની જાસૂસી કરાવવાનું કામ કર્યું છે. મમતાએ પોતાનો પ્લાસ્ટર કરેલો ફોન દેખાડતા કહ્યું કે ફોનને કવર કરવો પડે તેવી સ્થિતિ છે કારણ કે તેઓ દરેક ચીજ પર નજર રાખી રહ્યાં છે. પછી ભલેને તે વીડિયો હોય કે ઓડિયો. મમતાએ એવો પણ દાવો કર્યો કે હું મારા સમકક્ષો સાથે પણ વાત કરી શકતી નથી. 

મમતાએ કહ્યું, ઓડિશા અને દિલ્હીના સીએમ સાથે પણ વાત કરી શકતી નથી 
મમતાએ કહ્યું કે દિલ્હી અને ઓડિશાના મુખ્યમંત્રી સાથે પણ વાત કરી શકતી નથી. પેગાસસ ખતરનાક છે. તે લોકોની પજવણી કરી રહ્યું છે. ઘણી વાર હું પણ વાત કરી શકતી નથી. કેન્દ્ર સરકારે આ દેશને સર્વલન્સ સ્ટેટમાં તબ્દિલ કરવા માંગે છે. 

જાસૂસી ચાલુ છે. સર્વેલન્સ સ્ટેટ બની ગયો છે દેશ 
મુખ્યમંત્રી બેનરજીએ કહ્યું કે સ્પાઈગિરી ચાલુ છે, મંત્રીઓ અને જજોના ફોન ટેપ કરાઈ રહ્યાં છે. તેમણે લોકશાહી માળખાને ધ્વસ્ત કરી નાખ્યું. પેગાસસે ચૂંટણી પંચ, ન્યાયપાલિકા, મીડિયા અને મંત્રીઓની પણ જાસૂસી કરી.  લોકશાહીય વ્યવસ્થા બનાવવાને બદલે કેન્દ્ર સરકારે આ દેશને સર્વલન્સ સ્ટેટમાં ફેરવી નાખ્યો છે.