પશ્ચિમ બંગાળ / સીએમ મમતા બેનર્જીના ભાઈની ગાડીનો થયો અકસ્માત, આરોપીઓ પોલીસ કસ્ટડીમાં

• મુખ્યમંત્રી મમતા બેનર્જીના ભાઈનો થયો અકસ્માત
• અકસ્માતમાં માંડ માંડ બચ્યા
• આરોપીઓ પોલીસ કસ્ટડીમાં

બંગાળની મુખ્યમંત્રી મમતા બેનર્જીના ભાઈની કારનો એક્સીડન્ટ થયો છે જેમાં તેઓ માંડ માંડ બચ્યા છે. આ અકસ્માત ઈએમ બાઈપાસની નજીક ચિંગ્રીઘાટીમાં થયો છે. ઉલ્લેખનીય છે કે મમતાના ભાઈ બાબુન બેનર્જીની કારને પાછળથી એક લોડેડ ગાડીએ ટક્કર મારી હતી. પોલીસે આરોપીને કસ્ટડીમાં લીધો છે. 

પોલીસે કહી આ વાત

ઘટના બાદ બાબુન બેનર્જી ઘટના સ્થળે કાર છોડીને ભાગી ગયો. ચિંગ્રીઘાટીની પાસે એક મીની મેટાડોરે તેની કારને પાછળથી ટક્કર મારી. ઉલ્લેખનીય છે કે તેમને કોઈ ઈન્જરી થઈ નથી. આરોપી ચાલકને કસ્ટડીમાં લઈને ગાડી પણ જપ્ત કરાઈ છે. 

27 માર્ચે થશે પહેલા તબક્કાનું વોટિંગ

ઉલ્લેખનીય છે કે પશ્ચિમ બંગાળના વિધાનસભાની ચૂંટણીને માટે પહેલા તબક્કાનું વોટિંગ 27 માર્ચે શરૂ થશે. અહીં 8 તબક્કામાં વોટિંગ કરાશે. પરિણામ 2 મેએ આવશે. 

પશ્ચિમ બંગાળમાં ભાજપ અને ટીએમસી વચ્ચે વધી રહી છે પ્રતિસ્પર્ધા

પશ્ચિમ બંગાળના મુખ્યમંત્રી મમતા બેનર્જીએ તેમના ભત્રીજા અભિષેક બેનર્જીની પત્નીની સીબીઆઈ પૂછપરછને લઈને ભાજપ પર નિશાન સાધ્યું છે. તેમણે વડા પ્રધાન નરેન્દ્ર મોદી માટે 'દૈત્ય' અને 'દંગાબાઝ' જેવા શબ્દોનો ઉપયોગ પણ કર્યો હતો. 

કોલકાતાના હુગલીમાં તૃણમૂલ કોંગ્રેસની રેલી દરમિયાન મમતાએ કહ્યું કે, પીએમ નરેન્દ્ર મોદી દેશના સૌથી મોટા દંગાબાઝ છે. આ શબ્દનો ઉપયોગ ભાજપ દ્વારા તૃણમૂલ કોંગ્રેસ વિરુદ્ધ વપરાતા તોલાબાઝ શબ્દનો જવાબ માનવામાં આવે છે. બંગાળમાં ત્રણ મહિના પછી વિધાનસભાની ચૂંટણીઓ યોજાવાની છે અને ભાજપ અને ટીએમસી વચ્ચે શબ્દોનું યુદ્ધ હવે વધુ તીવ્ર થયું છે.