અરજી / PM મોદીની ડિગ્રી મામલે CM કેજરીવાલે ગુજરાત હાઈકોર્ટમાં દાખલ કરી રિવ્યૂ પિટિશન, જુઓ શું કહ્યું?

• ગુજરાત હાઇકોર્ટમાં રિવ્યુ પિટીશન દાખલ
• આમ આદમી પાર્ટીના સંયોજક અરવિંદ કેજરીવાલની અરજી
• PM મોદીની ડિગ્રી મામલે રિવ્યૂ પિટિશન 

પ્રધાનમંત્રી નરેન્દ્ર મોદીની ડિગ્રીના મામલાને લઇને દિલ્હીના મુખ્યમંત્રી અને આમ આદમી પાર્ટીના સંયોજક અરવિંદ કેજરીવાલે ગુજરાત હાઇકોર્ટમાં રિવ્યુ પિટીશન દાખલ કરી છે. આપ સંયોજકે 31 માર્ચે સંભળાવેલા આદેશ પર આ સમીક્ષા અરજી દાખલ કરી છે. કોર્ટે કેન્દ્રીય સૂચના આયોગના એ આદેશને નકારી કાઢ્યો હતો જેમાં ડિગ્રી શેર કરવા માટે કહ્યું હતું. સાથે જ અરવિંદ કેજરીવાલ પર 25 હજાર રૂપિયાનો દંડ પણ ફટકાર્યો હતો. 

મોદીની શૈક્ષણિક ડિગ્રી ગુજરાત વિશ્વવિદ્યાલયની વેબસાઇટ પર ઉપલબ્ધ
ગુજરાત હાઇકોર્ટના જસ્ટીસ વિરેન વૈષ્ણવે કેજરીવાલની રિવ્યુ પિટીશન પર સુનાવણી બાદ મામલાને સ્વીકાર કરી લીધો છે. જસ્ટીસ બીરેન વૈષ્ણવની ખંડપીઠે શુક્રવારે ઉત્તરદાતાઓ, ગુજરાત વિશ્વવિદ્યાલય, મુખ્ય સૂચના આયુક્ત, તત્કાલીન સીઆઇસી પ્રોફેસર એમ. શ્રીધર આચાર્યુલુ અને ભારત સંઘ માટે એક નિયમ જાહેર કર્યો અને મામલાને 30 જુને વધુ સુનાવણી હાથ ધરવામાં આવશે. અંગ્રીજી વેબસાઇટ લાઇવ લોના રિપોર્ટ પ્રમાણે પોતાની રિવ્યુ અરજીમાં કેજરીવાલે કહ્યું કે સોલિસિટર જનરલ તુષાર મહેતા તરફથી ગુજરાત વિશ્વવિદ્યાલય માટે રજૂ કરવામાં આવેલા સબમિશનના આધાર પર કોર્ટે 31 માર્ચના આદેશમાં નોટ કર્યું કે પીએમ મોદીની શૈક્ષણિક ડિગ્રી ગુજરાત વિશ્વવિદ્યાલયની વેબસાઇટ પર ઉપલબ્ધ છે.

જ્યારે આ યોગ્ય નથી કારણ કે વેબસાઇટ પર માત્ર એક ઓફિસ રજિસ્ટર છે જે મૂળ ડિગ્રીથી અલગ છે. તો આ પહેલા એસજી મહેતાએ ગુજરાત ઉચ્ચ ન્યાયાલય સમક્ષ  પ્રસ્તુત કર્યો હતો કે ડિગ્રી ગુજરાત વિશ્વવિદ્યાલયની વેબસાઇટ પર ઉપલબ્ધ છે અને તેને કેજરીવાલ જોઇ શકે છે. જેને આધાર બનાવી અરવિંદ કેજરીવાલે ચૂકાદા પર ફરી વિચારણા કરવાની માગ કરી છે.