ધોરડો-સફેદ રણ ખાતે યોજાનારી G-20 ની પ્રથમ ટુરિઝમ વર્કીંગ ગૃપની બેઠક
G-20 ની બેઠકો પૈકી ૧પ બેઠકો ગુજરાતમાં યોજાશે
મુખ્યમંત્રી ભૂપેન્દ્ર પટેલ મંગળવાર, તા.૭ ફેબ્રુઆરી અને બુધવાર તા.૮ ફેબ્રુઆરીએ કચ્છના ધોરડો-સફેદ રણ ખાતે યોજાનારી G-20 ની પ્રથમ ટુરિઝમ વર્કીંગ ગૃપની બેઠકમાં હાજરી આપશે. જે બેઠકના આયોજનને પગલે મુખ્યમંત્રી ભૂપેન્દ્ર પટેલ તા.૭ ફેબ્રુઆરી, મંગળવાર અને તા.૮ મી ને બુધવારે ગાંધીનગરમાં સાંસદઓ, ધારાસભ્યો, પદાધિકારીઓ કે પ્રજાવર્ગો-નાગરિકોને મળી શકશે નહી. ઉલ્લેખનીય છે કે, ભારતના યજમાન પદે યોજાઇ રહેલી G-20 ની બેઠકો પૈકી ૧પ બેઠકો ગુજરાતમાં યોજાવાની છે. આ પૈકી ટુરિઝમ વર્કીંગ ગૃપની પ્રથમ બેઠક તા. ૭ થી ૯ ફેબ્રુઆરી દરમ્યાન કચ્છમાં ધોરડો ખાતે આયોજિત કરવામાં આવેલી છે.
ભારતમાં યોજાઈ રહેલ G20 ના ભવ્ય આયોજનમાં સહભાગી બન્યું છે ગુજરાત.
‘ટુરિઝમ વર્કિંગ ગ્રુપ’ તથા ‘U20 એન્ગેજમેન્ટ ગ્રુપ’ જેવી #G20India ની બે મહત્વની બેઠક કચ્છ તથા અમદાવાદ ખાતે યોજાશે અને સાથે જ પ્રવાસન તથા શહેરી વિકાસના ક્ષેત્રમાં વિશ્વને નવી દિશા ચીંધશે ગુજરાત.#G20Gujaratpic.twitter.com/yFk5uhyXtW
વર્કીંગ ગૃપની પ્રથમ બેઠકમાં G-20 ના સહભાગી દેશોના પ્રતિનિધિઓ જોડાશે
આ વર્કીંગ ગૃપની પ્રથમ બેઠકમાં ભારત સરકારના પ્રવાસન મંત્રી કિશન રેડ્ડી, કેન્દ્રીય મંત્રી પરસોત્તમ રૂપાલા તેમજ G-20 ના સહભાગી દેશોના પ્રતિનિધિઓ પણ જોડાવાના છે. મહત્વનું છે. વિશ્વવિખ્યાત કચ્છના સફેદ રણમાં 20 દેશોની આંતરાષ્ટ્રીય G20 સમીટ યોજાવા જઇ રહી છે. આ જબરદસ્ત અયોજનને લઈને કેન્દ્ર સરકારના અનેક સચિવોએ પણ સફેદ રણ સહિત તેના આસપાસના સ્થળોની મુલાકાતે આવી રહ્યાં છે. G20 સમીટના આયોજને લઈ તડામાર તૈયારી ચાલી રહી છે.
દિવસ સુધી ટુરિઝમ બાબતે ચર્ચા કરવામાં આવશે
મહત્વનું છે કે વૈશ્વિક અર્થતંત્રને સ્થિર કરવા G20 સમીટ રચાઈ છે જેનું અધ્યક્ષપદ આ વર્ષે ભારતને મળ્યું છે. ત્યારે આ વર્ષની પ્રથમ બેઠક જ કચ્છના વિશ્વવિખ્યાત સફેદ રણ મધ્યે યોજાશે. ફેબ્રુઆરી 7, 8 અને 9ના યોજાનારી આ સમીટ માટે પ્રતિનિધિઓ ભુજ એરપોર્ટ પર પહોંચવાના હોવાથી ભુજ હવાઈમથકનું કાયાપલટ કારાયું છે. ટુરિઝમ વર્કિંગની પ્રથમ બેઠકમાં દિલ્હીથી ડેલીગેસ્ટ ભુજ એરપોર્ટ પર આવશે. ત્યારબાદ 3 દિવસ સુધી ટુરિઝમ બાબતે ચર્ચા કરવામાં આવશે જેથી ગુજરાતના ટુરિઝમ ક્ષેત્રમાં ફાયદો થશે. વધુમાં ગુજરાત ટુરિસ્ઝમને વિશ્વ ફલક પર મુકવામાં આવ્યા બાદ ટુરિસ્ટની સંખ્યામાં વધારો થશે. જેથી આવક અને રોજગરીમાં વધારો નોંધાશે.