રેલી યોજીને શક્તિ પ્રદર્શન સાથે ભુપેન્દ્ર પટેલ ઉમેદવારી કરશે
ગુજરાતમાં વિધાનસબભાની ચુંટણીનો દમદાર માહોલ જામ્યો છે. પ્રચાર-પ્રસાર અને જીતના દાવા થઇ રહ્યા છે. જીત માટે ઉમેદવારો મતદારોને રીઝવવા દિવસરાત એક કરીને મહેનતમાં લાગી ગયા છે. તેવામાં CM ભુપેન્દ્ર પટેલ 16 નવેમ્બરે ઉમેદવારી નોંધાવશે. વધુમાં 16 નવેમ્બરે મુખ્યમંત્રી CM ભૂપેન્દ્ર પટેલ અમદાવાદમાં વિરાટ શક્તિ પ્રદર્શન પણ કરશે.
વર્ષ 2017માં ભુપેન્દ્ર પટેલે સૌથી વધુ માર્જિનથી મેળવી હતી જીત
અમદાવાદની ઘાટલોડિયા વિધાનસભામાં બેઠક પરથી ભુપેન્દ્ર પટેલને ભાજપ દ્વારા ગુજરાત વિધાનસભાના ચુંટણી જંગમાં ઉતારવામાં આવ્યા છે. બે બુધવારે વિજય મુહૂર્તમાં ઉમેદવારી ફોર્મ ભરશે. આ દરમિયાન રેલી યોજીને શક્તિ પ્રદર્શન સાથે ભુપેન્દ્ર પટેલ ઉમેદવારી કરશે. ગત વિધાનસભાની ચુંટણીમાં ભુપેન્દ્ર પટેલના નામે એક રેકોર્ડ છે. જે 2017 ની ચુંટણીમાં રાજ્યની તમામ 182 વિધાનસભા બેઠકોના પરિણામમાં સૌથી વધુ 1.17 લાખની લીડ સાથે જંગી સરસાઈથી ચૂંટાયા હતા. ત્યાર આ વખતે 2017 જેવો રેકૉર્ડ બની શકશે કે કેમ? તે જોવું રહ્યું!
ઘાટલોડિયા, નિકોલ બેઠક સિવાય અમદાવાદની બેઠકો પર નો રિપિટ થિયરીનો અમલ
ભાજપે અમદાવાદ ઘાટલોડિયા બેઠક પરથી સીએમ ભૂપેન્દ્ર પટેલ અને નિકોલ બેઠક પરથી જગદિશ પંચાલ સિવાય અમદાવાદની તમામ બેઠકો પર નો રિપિટની થિયરીનો અમલ કર્યો છે. ઘાટલોડિયા બેઠક પર મુખ્યમંત્રી ભૂપેન્દ્ર પટેલ સામે કોંગ્રેસે પોતાના અગ્રણી એડવોકેટ અમીબેન યાજ્ઞિકના નામની જાહેરાત કરી છે. મેમનગર નગરપાલિકાના ચેરમેન, અમદાવાદ મ્યુનિ. કોર્પોરેશનની સ્ટે. કમિટીના ચેરમેન, ઔડાના ચેરમેન સહીત અનેક હોદા પર રહેલા ભૂપેન્દ્ર પટેલને મતવિસ્તારના લોકો અને પક્ષના આગેવાનૉ દાદાના નામથી પણ ઓળખે છે.