અમદાવાદ / લીવર ડેમેજ થતાં વેન્ટિલેટર પર MLA આશાબેન પટેલ, CM ભૂપેન્દ્ર પટેલ પહોંચ્યા ઝાયડસ હોસ્પિટલ

• ઊંઝાના ધારાસભ્ય આશાબેન પટેલની તબિયત નાજુક
• MLA આશાબેન પટેલ અમદાવાદની ઝાયડસ હોસ્પિટલમાં છે દાખલ
• CM ભૂપેન્દ્ર પટેલે ઝાયડ્સ હોસ્પિટલમાં પૂછ્યા ખબરઅંતર

ઊંઝાના ધારાસભ્ય આશાબેન પટેલની તબિયત નાજુક છે અને MLA આશાબેન પટેલ અમદાવાદની ઝાયડસ હોસ્પિટલમાં દાખલ કરાયા છે.ત્યારે CM ભૂપેન્દ્ર પટેલે ઝાયડ્સ હોસ્પિટલમાં આશાબેન પટેલના ખબરઅંતર પૂછ્યા હતા. મહત્વનું છે કે આશાબેન પટેલને દિલ્હીથી પરત આવ્યા બાદ ડેન્ગ્યૂ થયો હતો. જેમાં તેમનું લીવર ડેમેજ થતા વેન્ટિલેટર પર રાખવામાં આવ્યા હતા.

ઊંઝાના ધારાસભ્ય આશાબેન પટેલની તબિયત નાજુક

અહીં ઉલ્લેખનિય છે કે મહેસાણા જિલ્લાની ઊંઝા બેઠકથી ભાજપના ધારાસભ્ય આશાબેન પટેલ કડવા પાટીદારનો શિક્ષિત યુવા ચહેરો છે. તેઓએ એશિયના સૌથી મોટી ઊંઝા APMCમાં પોતાની સમર્થનવાળી પેનલને વિજેતા બનાવી ઊંઝા APMCમાં નારણ પટેલના દબદબાને ખતમ કર્યો હતો. વર્ષ 2017ની વિધાનસભા ચૂંટણીમાં ભાજપના દિગ્ગજ નારણ પટેલને આપી કોંગ્રેસની ટિકિટ પર વિજેતા બન્યા હતા. જ્યારે 2019ની લોકસભા ચૂંટણી પહેલા ભાજપમાં સામેલ થયા હતા તેમણે પેટા ચૂંટણીમાં ભાજપની ટિકિટ પર જીત મેળવી છે. અને આશા પટેલના સમર્થનને કારણે દિનેશ પટેલ ઊંઝા APMCના ચેરમેન બન્યા છે. 

MLA આશાબેન પટેલ અમદાવાદની ઝાયડસ હોસ્પિટલમાં છે દાખલ

2017માં કોંગ્રેસ પાર્ટીના ઉમેદવાર બની ઊંઝા બેઠક પર વિધાનસભા ચૂટણી લડીને જીતેલા આશા પટેલે કોંગ્રેસ છોડીને 2019માં  ભાજપમાં પ્રવેશ કર્યો હતો.કોંગ્રેસમાં કહેવાતી અવગણનાથી તેઓ નારાજ હતા. કોંગ્રેસમાં આંતર વિગ્રહ,જૂથવાદથી કંટાળીને તેમણે કોંગ્રેસને અલવિદા કહ્યું હતું. પાછળથી ભાજપે ઊંઝાથી જ ડો.આશા પટેલને ટીકીટ આપી અને તેઓ ચૂંટાઈ આવ્યા હતા. બાદમાં APMC ઊંઝામાં પણ તેઓએ દબદબો બનાવવામાં સફળતા મેળવી હતી.