મુખ્યમંત્રીએ સફાઈ કામદારથી માંડીને હોસ્પિટલના ડોક્ટરો અને અધિકારીઓ સાથે વાતચીત કરી હતી CM અણધારી મુલાકાતથી હોસ્પિટલનો સ્ટાફ હરકતમાં આવી ગયો હતો.
ગાંધીનગર સિવિલની CM ભૂપેન્દ્ર પટેલે લીધી મુલાકાત
CM એ સરપ્રાઈઝ વિઝિટ કરી વ્યવસ્થાઓની સમીક્ષા
CM મુલાકાતથી હોસ્પિટલનો સ્ટાફ આવ્યો હરકતમાં
ગુજરાતમાં કોરોનાના કેસ વધી રહ્યા છે. તો બીજી તરફ કોરોનાની સંભવિત ત્રીજી લહેરની આગાહીને જોતા હોસ્પિટલો પણ સજ્જ બની છે ત્યારે આજે હોસ્પિટલમાં કોરોનાની તૈયારીઓના ભાગ રૂપે મુખ્યમંત્રીએ અણધારી ગાંધીનગર સિવિલ હોસ્પિટલની મુલાકાત લીધી હતી. મુખ્યમંત્રી અચાનક હોસ્પિટલમાં આવી જતા હોસ્પિટલનો સ્ટાફ પણ હરકતમાં આવી ગયો હતો. મુખ્યમંત્રીએ સફાઈ કામદારથી લઈને તબીબો અને અધિકારીઓ સાથે વાતચીત કરી હતી.
CM એ સરપ્રાઈઝ વિઝિટ કરી વ્યવસ્થાઓની સમીક્ષા
રાજ્યના મુખ્યમંત્રી ભૂપેન્દ્ર પટેલે સવારે અચાનક જ ગાંધીનગર સિવિલ હોસ્પિટલની મુલાકાત લીધી હતી. તેમણે હોસ્પિટલમાં કોવિડ અને ઓમિક્રોન વોર્ડની મુલાકાત લઈને સુવિધા અને સારવાર અંગેની તૈયારીઓની સમીક્ષા કરી હતી. આ સમયે તેમની સાથે ભાજપના પ્રદેશ મહામંત્રી પ્રદિપસિંહ વાઘેલા હાજર રહ્યા હતા. તેમણે હોસ્પિટલની વ્યવસ્થા અંગે અધિકારીઓ તથા ડોક્ટરો સાથે પણ ચર્ચાઓ કરી હતી. બીજી તરફ તેમની સરપ્રાઈઝ વિઝિટથી હોસ્પિટલનો સ્ટાફ ખડેપગે જોવા મળ્યો હતો.
CM મુલાકાતથી હોસ્પિટલનો સ્ટાફ આવ્યો હરકતમાં
CMએ હોસ્પિટલમાં ICU વોર્ડની મુલાકાત લીધા બાદ સફાઈ કર્મીથી લઈને RMOસાથે ચર્ચા કરી હતી. તેમણે હોસ્પિટલની વ્યવસ્થાની પણ ચકાસણી કરી સારવાર લઈ રહેલા દર્દીઓ સાથે પણ વાતચીત કરી માહિતી મેળવી હતી. હોસ્પિટલના કર્મીઓ સાથે પણ સંવાદ કરી સાફ સફાઇ, દવાઓ, દર્દીઓને અપાતી સુવિધાઓ વિશે સમીક્ષા કરી હતી. રાજ્યમાં નવેમ્બર મહિનાથી કોરોના કેસમાં સતત વધારો થઈ રહ્યો છે જો વાત કરવામાં આવે તો છેલ્લા 24 કલાકમાં કોરોનાના 177 નવા કેસ નોંધાયા છે. જ્યારે 66 દર્દીને ડિસ્ચાર્જ કરવામાં આવ્યા છે. તો રાજ્યમાં એક હજારની નજીક 948 એક્ટિવ પહોંચી ગયા છે. જોકે રાજ્યમાં આજે ઓમિક્રોનનો એક પણ નવો કેસ નોંધાયો નથી.