રાજકારણ / મંત્રીઓએ સરકારી કામ સિવાય પ્રવાસ ન કરવો, ગુજરાતના તમામ નવનિયુક્ત મંત્રીઓને CM ભૂપેન્દ્ર પટેલનો આદેશ 

• તમામ નવનિયુક્ત મંત્રીઓને CMનો આદેશ
• 15 દિવસ સુધી ગાંધીનગર ન છોડવા તાકિદ
• મંત્રીઓને વિભાગના અધિકારીઓ સાથે બેઠક કરવા સૂચના

ગુજરાતની નવી સરકારના મંત્રીમંડળના શપથગ્રહણ બાદ  હવે સરકાર એક્શનમાં આવી છે નવા મુખ્યમંત્રી ભૂપેન્દ્ર પટેલે તમામ નવનિયુક્ત મંત્રીઓને આદેશ આપ્યા છે 

તમામ નવનિયુક્ત મંત્રીઓને CMનો આદેશ

રાજ્યના નવ નિયુક્ત મુખ્યમંત્રી ભૂપેન્દ્ર પટેલે તમામ મંત્રીઓને આગામી 15 દિવસ સુધી ગાંધીનગર ન છોડવાની તાકિદ કરી છે એટલું જ નહીં મંત્રીઓને વિભાગના અધિકારીઓ સાથે બેઠક કરવા સુચના પણ આપી દેવામાં આવી છે. મુખ્યમંત્રી ભુપેન્દ્ર પટેલે આદેશ કરતા મંત્રીઓને સરકારી કામ સિવાય કોઈ પ્રવાસ ન કરવા માટે પણ સુચના આપી દેવામાં આવી છે. તેમજ મંત્રીઓને આગામી બજેટના કામની સમીક્ષા કરવા સહિતની કામગીરી પર ચર્ચા કરવાના આદેશ આપી દેવાયા છે. 

મંત્રી મંડળને 100 ટકા પર્ફોમન્સ આપવાના નિર્દેશ 

મહત્વનું છે કે આગામી 2022માં ગુજરાત વિધાનસભાની ચૂંટણીઓ યોજાનાર છે ત્યારે ભાજપ દ્વારા મોટા પ્લાન તૈયાર કરવામાં આવ્યો છે, ભાજપ દ્વારા અત્યારથી જ વિધાનસભાની ચૂંટણીની તૈયારીઓ આરંભી દેવામાં આવી છે. ત્યારે હવે નવ નિયુક્તમંત્રીઓના શિરે મહત્વની જવાબદારી સોંપવામાં આવતા હવે તમામ મંત્રી મંડળને 100 ટકા પર્ફોમન્સ આપવાના નિર્દેશ આપી દેવામાં આવ્યા છે. આ છે ગુજરાતનું ઐતિહાસિક અને અત્યાર સુધી ક્યારેય ન જોયું હોય તેવું મંત્રીમંડળ ગુજરાત જ નહીં પરંતુ દેશના વિવિધ રાજ્યોના ઈતિહાસ પર નજર નાંખીએ તો આવું મંત્રીમંડળ ક્યારેય નહીં આવ્યું હોય કેબિનેટ કક્ષાના 10 મંત્રીઓએ પદ અને ગોપનીતિયાતાના શપથ લીધા.

મંત્રીઓને વિભાગના અધિકારીઓ સાથે બેઠક કરવા સૂચના

આ 10 મંત્રીઓમાં રાજેન્દ્ર ત્રિવેદી, જીતુ વાઘાણી, રાઘવજી પટેલ, કિરિટસિંહ રાણા, પૂર્ણેશ મોદી સિવાય કોઈ કેબિનેટ મંત્રીને વહીવટી અનુભવ નથી.પાંચ મંત્રી સિવાય બાકીના પાંચ એકદમ કોરી સલેટ છે.સરકારના કોઈ પદ પર તેઓ રહ્યા નથી.ઋષિકેશ પટેલ, કનુ દેસાઈ, નરેશ પટેલ, પ્રદીપ પરમાર અને અર્જૂનસિંહ ચૌહાણ ક્યારેય સરકારમાં કોઈ પદ શોભાવ્યું નથી.અને સીધું તેમને કેબિનેટ જેવું મોટું મંત્રાલય અપાયું છે.તો રાજ્યકક્ષાનો જેમને સ્વતંત્ર હવાલો સોંપાયો છે તેવા પાંચ મંત્રીઓમાં એક પણ અનુભવી નથી.હર્ષ સંઘવી, જગદીશ પંચાલ, બ્રિજેશ મેરજા, જીતુ ચૌધરી અને મનીષા વકીલ એકદમ નવા છે.હા તેમની પાસે અનુભવ છે તો માત્ર ધારાસભ્યનો.પરંતુ સરકાર ચલાવવાનો કોઈ જ જ્ઞાન નથી.તેમ છતાં રાજ્યકક્ષાનો સ્વતંત્ર હવાલો તેમને સોંપી બહૂ મોટો નિર્ણય લેવામાં આવ્યો છે. 

ભાજપનું મિશન 2022

જો કે તેમની પાસે અમદાવાદ કોર્પોરેશન અને ઔડામાં કામ કરવાનો અનુભવ છે.પરંતુ તેઓ પહેલી જ વાર ધારાસભ્ય બન્યા અને સીધા મુખ્યમંત્રી બન્યા છે.પ્રધાનમંત્રી નરેન્દ્ર મોદી અને કેન્દ્રીય ગૃહમંત્રી અમિત શાહ હંમેશા કંઈક નવું કરવા અને સરપ્રાઈઝ આપવા માટે જાણિતા છે.આ વખતનું મંત્રીમંડળ પણ સરપ્રાઈઝ છે.મુખ્યમંત્રી પણ સરપ્રાઈઝ છે.