રાજનીતિ / ગુજરાતમાં મિશન 2022 પાર પાડવા CM ભૂપેન્દ્ર પટેલે લીધો મોટો નિર્ણય, તમામ મંત્રીઓ દોડતા થયા

• તમામ મંત્રાલયોને મહત્વના પ્રોજેક્ટની કામગીરી ઝડપી કરવા સૂચના
• તમામ પ્રોજેક્ટ ચૂંટણી પહેલા પૂર્ણ કરવા સૂચના
• સરકારના 26 વિભાગના મહત્વના કામની CM સમીક્ષા કરશે

વર્ષ 2022ની ચૂંટણીમાં રાજ્ય સરકાર અત્યારથી જ એક્શન મોડમાં છે. રાજ્ય સરકારે આપ્યો તમામ મંત્રીઓને વિધાનસભા 2022નો ટાર્ગેટ આપ્યો છે. જેમાં તમામ વિભાગને મહત્વના પ્રોજેક્ટ પર કામ કરવાની સૂચના આપવામાં આવી છે. આ પ્રોજેક્ટ ચૂંટણી પહેલા પૂર્ણ કરવાની સૂચના અપાઇ છે. તમામ વિભાગ ની પ્રેઝન્ટેશન મુખ્યપ્રધાન ભૂપેન્દ્ર પટેલ સમીક્ષા કરશે. સમીક્ષા બાદ તાત્કાલિક ધોરણે પ્રોજેક્ટ શરૂ કરવામાં આવશે.

સરકારના 26 વિભાગમાંથી મહત્વના અને લોકોને સ્પર્શ કરતા પ્રોજેક્ટની વિગતો મંગાવવામાં આવી છે. રાજ્યના તમામ ગ્રામ્ય વિસ્તારોમાં રમત ગમતના મેદાનો, ઇ-લાઈબ્રેરી, આવાસ યોજના 2022માં પુરી કરવાની સૂચના અપાઈ છે. તો 27000થી વધુ ગૃહવિભાગમાં ભરતીઓ, આંતર માળખાકીય સુવિધાઓ તમામ બાબતે પ્રધાનો કામે લાગ્યા છે. 100 દિવસમાં સમીક્ષા કરેલ કાર્યો પૂર્ણ કરવાની પણ સૂચના અપાઇ છે.

મહત્ત્વના વિભાગો

મહેસુલ, આરોગ્ય, નાણાં વિભાગ, રમતગમત, ગૃહ વિભાગ, શિક્ષણ વિભાગ, વન વિભાગ, અનુસૂચિત જન જાતિ વિભાગ, ટુરિઝમ, સહિત વિવિધ વિભાગોમાં સરકારી ભરતી સહિતના વિકાસના કામો કરવામાં આવશે.