સીએમ ભૂપેન્દ્ર પટેલના હસ્તે કરવામાં આવી મોટી જાહેરાત, રાજ્યના 71 લાખ લોકોને થશે લાભ
મોડાસામાં કરવામાં સીએમના હસ્તે ધ્વજવંદન
સીએમ ભૂપેન્દ્ર પટેલે કરી મોટી જાહેરાત
NFSA યોજનાના કાર્ડ ધારકો માટે કરી જાહેરાત
રાજ્યકક્ષાના સ્વાતંત્ર્ય પર્વની અરવલ્લીના મોડાસા ખાતે ઉજવણી કરવામાં આવી હતી. મુખ્યમંત્રી ભૂપેન્દ્ર પટેલે તિરંગો ફરકાવીને સલામી આપી હતી. આ પ્રસંગે તેઓએ સંબોધન દરમિયાન ગુજરાત માટે એક મહત્વની જાહેરાત કરી હતી.
NFSA કાર્ડ ધારકોને મહિને કિલો અપાશે ચણા
સ્વતંત્રતા પર્વ નિમિત્તે મુખ્યમંત્રીએ NFSA યોજનાના કાર્ડ ધારકોને દર મહિને એક કિલો ચણા આપવાની મોટી જાહેરાત કરવામાં આવી. મુખ્યમંત્રીએ મોડાસાથી જાહેરાત કરતા જણાવ્યું કે અત્યાર સુધી 50 તાલુકાને લાભ મળતો હતો પરંતુ હવે તમામ તાલુકાઓને લાભ મળશે. તેમજ NFSA કાર્ડની આવક મર્યાદા 10 હજારથી વધારીને 15 હજાર કરવામાં આવી છે. આવક મર્યાદા વધતા વધુ લોકોને મળશે NFSAનો લાભ મળી શકશે. રાજ્ય સરકારની આ જાહેરાતનો તમામ 250 તાલુકાના 71 લાખ NFSA કાર્ડ ધારકોને લાભ થશે. રાહત દરે પ્રતિ માસ કાર્ડ દીઠ ૧ કિલો ચણા આપવામાં આવશે.
મોંઘવારી ભથ્થામાં 3 ટકાનો વધારો
ગુજરાત સરકાર દ્વારા રાજ્ય સરકારના કર્મચારીઓ અને પેન્શનર્સને મળતા મોંઘવારી ભથ્થામાં 3 ટકાનો વધારો કરાયો છે. જેના લીધે 7માં પગાર પંચનો લાભ લેતા કર્મીઓ અને પેન્શનરો મળી કુલ 9.38 લાખ લોકોને આનો લાભ મળશે. તારીખ 1 જાન્યુઆરી 2022થી મળવાપાત્ર મોંઘવારી ભથ્થું ત્રણ હપ્તામાં ચૂકવાશે. સાત મહિનાના તફાવતની રકમ ત્રણ હપ્તામાં ચૂકવાશે.
રાજ્ય સરકાર પર 1400 કરોડનો બોજો પડશે
આ ત્રણ હપ્તામાં પ્રથમ હપ્તો ઑગસ્ટ 2022માં, બીજો હપ્તો સપ્ટેમ્બર 2022ના પગાર સાથે અને ત્રીજો હપ્તો ઓક્ટોબર માસના પગાર સાથે અપાશે. આ વધારાનો લાભ જે કર્મચારીઓને સાતમા પગારપંચનો લાભ અપાયેલો છે તેમને જ મળવાપાત્ર થશે તેમ રાજ્ય સરકાર દ્વારા જણાવવામાં આવ્યું છે. મોંઘવારી ભથ્થાના આ વધારાના લીધે રાજ્ય સરકારને અંદાજે વાર્ષિક રૂપિયા 1400 કરોડનું નાણાકીય ભારણ વધશે.
ઇ-બસ સેવા શરૂ કરાશે
રાજ્યમાં ગ્રીન એનર્જીને પ્રોત્સાહન આપવા ઝીરો એર પોલ્યુશન ધરાવતી ઇલેક્ટ્રીક બસ દ્વારકા, અંબાજી, સ્ટેચ્યુ ઓફ યુનિટિ જેવા આઇકોનિક રૂટ પર સંચાલનમાં મુકાશે. રાજ્યના નાગરિકોની પરિવહન સુવિધા માટે આગામી સમયમાં રૂ.367 કરોડના ખર્ચે નવી 1200 BS-6 બસ સેવામાં મુકવામાં આવશે.
રાજ્યના 50 બસ મથકોએ નાગરિક સુવિધા માટે ATM મુકવામાં આવશે.